ListasafnÍslands.Logo

Listþræðir – Ný sýning í Listasafni Íslands

Verið velkomin í Listasafn Íslands opnunarhelgina 12.–13. september 2020, frá kl. 10:00–17:00

Á aldarafmæli Ásgerðar Búadóttur gefst tilefni til að horfa sérstaklega til vefnaðar og þráðlistar í íslenskri samtímalist og þess hvernig listamenn hafa notað þráðinn, þennan fjölbreytta efnivið; spunnið hann, litað, ofið og formað eftir öllum kúnstarinnar reglum. Textíllistin er yfirgripsmikil listgrein með langa sögu og fjölda skilgreindra aðferða. Í dag ríkir mikil gróska í þráðlistinni og má meðal annars greina ýmsar tilraunakenndar leiðir og uppbrot á viðteknum aðferðum sem sýnir okkur hvernig rótgróin listsköpun getur öðlast nýja vídd. 

Í safneign Listasafns Íslands er nokkur fjöldi listaverka þar sem unnið er með þráð sem efnivið með margvíslegum hætti. Við val á verkum fyrir sýninguna var einnig leitað í safneignir annarra listasafna og í einkasöfn. Listaverkin á sýningunni endurspegla ólíkar aðferðir listamanna, þráðinn í sinni hefðbundnu mynd innan rótgróinna aðferða sem og óvæntar og nýstárlegri útfærslur þar sem þráðurinn gegnir aðalhlutverki.

Mynd: Ásgerður Búadóttir (1920-2014), Skarðatungl, 1976

Listamenn sem eiga verk á sýningunni:

Anna Líndal
Anna Þóra Karlsdóttir
Arna Óttarsdóttir
Auður Vésteinsdóttir
Ása Ólafsdóttir
Ásgerður Búadóttir
G. Erla – Guðrún Erla Geirsdóttir
Guðrún Gunnarsdóttir
Guðrún Marinósdóttir
Hildur Ásgeirsdóttir Jónsson
Hildur Bjarnadóttir
Hildur Hákonardóttir
Hólmfríður Árnadóttir
Hrafnhildur Arnardóttir – Shoplifter
Hrafnhildur Sigurðardóttir
Ingibjörg Styrgerður Haraldsdóttir
Ingunn Fjóla Ingþórsdóttir
Ívar Valgarðsson
Jonna – Jónborg Sigurðardóttir
Kristinn G. Harðarson
Kristín Gunnlaugsdóttir
Kristín Jónsdóttir frá Munkaþverá
Lilý Erla Adamsdóttir
Loji Höskuldsson
Nína Gautadóttir
Oddný E. Magnúsdóttir
Ólöf Einarsdóttir
Pétur Magnússon
Ragna Róbertsdóttir
Ragnheiður Björk Þórsdóttir
Rósa Sigrún Jónsdóttir
Sigrún Sverrisdóttir
Sigurlaug Jóhannesdóttir
Vigdís Kristjánsdóttir
Þorbjörg Þórðardóttir
Þór Vigfússon
Þórdís Alda Sigurðardóttir

Leiðsögn sýningarstjóra
20. september kl. 14:00

Sunnudagsleiðsögn
4. október kl. 14:00
Leiðsögn sýningarstjóra
25. október kl. 14:00

Sýningin stendur til
24. janúar, 2021.

Reglum um fjöldatakmarkanir er framfylgt með talningu gesta.

WP2Social Auto Publish Powered By : XYZScripts.com