6738e58a 8ad0 473f 8e8e 849a9c70bb93 300×106

Listsmiðja í Gerðarsafni laugardaginn 30. maí

6738e58a-8ad0-473f-8e8e-849a9c70bb93

Listsmiðja í Gerðarsafni

Laugardaginn 30. maí bjóðum við alla fjölskylduna velkomna í listsmiðju með myndlistarmanninum Guðrúnu Benónýsdóttur.

Birting – bókverkagerð með listamanni
Myndlistarmaðurinn Guðrún Benónýsdóttir leiðir listsmiðju í tengslum við sýninguna Birting sem stendur nú yfir í Gerðarsafni. Birting er samsýning á verkum eftir íslenska samtímalistamenn sem unnin eru út frá steindum gluggum Gerðar Helgadóttur (1928-1975) í Kópavogskirkju og víðar. Sýningunni er ætlað að vekja okkur til umhugsunar um staði á borð við söfn og kirkjur og þær athafnir sem þeim fylgja.

Í listsmiðjunni munum við búa til eigin bók eða bókverk með skissum og mynsturteikningum út frá verkum sýningarinnar. Við prófum okkur áfram með ólíkar birtingarmyndir bókverksins sem bók, skúlptúr og teikning. Við kynnumst möguleikum bókverksins með því að bretta saman pappír, teikna, lita og sauma, allt út frá því hvert vinnan leiðir okkur.

Listsmiðjan hefst kl. 15 laugardaginn 30. maí og tekur um klukkustund.

Listsmiðjan er tilvalin samverustund fyrir alla aldurshópa. Smiðjan er hluti af dagskrá fjölskyldudaga Ormadaga – Barnamenningarhátíð í Kópavogi.

Þátttaka er ókeypis – allir velkomnir!

 

63450e54-017e-46e5-a2cf-5dc6c525f672

WP2Social Auto Publish Powered By : XYZScripts.com