Listasafnið á Akureyri.logo

Listasafnið á Akureyri: Tvær opnanir á laugardaginn, 7.desember

Laugardaginn 7. desember kl. 15 verða opnaðar tvær sýningar í Listasafninu á Akureyri. Annars vegar sýning Marzena Skubatz, HEIMAt, og hins vegar sýning á verkum Elínar Pjet. Bjarnason, Handanbirta / Andansbirta – valin verk úr safneign Listasafns ASÍ.

„Ísland leitar að verkafólki til starfa í sveitum landsins.“ Svo hljóðaði auglýsing frá íslenska konsúlatinu í Þýskalandi 1949. Um það bil 900 umsækjendur svöruðu auglýsingunni og þann 5. júní 1949 sigldu um 280 konur og 79 karlar með Esjunni áleiðis til Íslands. Margar þýskar konur dvöldu lengur en til stóð og hófu jafnvel nýtt líf á Íslandi. Marzena Skubatz fór á slóðir þeirra kvenna úr þessum hópi sem enn eru á lífi og tók ljósmyndir fyrir verkefnið HEIMAt. Útkoman er ljóðrænt verk þar sem minningar og að festa rætur á nýjum stað eru kjarninn.

Photo by Marzena Skubatz Photography based in Berlin and Iceland. is a project about german women who emmigrated to Iceland after the The World War II in 1949. Their journey was planned by the icelandic embassador in Germany and the “Icelandic Farm Association” in Iceland. Their idea was to bring new workers, mainly women, to the isolated farms in the country in the hope the young girls would fall in love with the farmers and stay. They were critisized by the icelandic citizens because the foreign workers did not get payed as much as the icelandic ones. But as it seemes none of this was an issue for most of the young women, who lost their families in the war. Indeed, most of them decided to stay and start a new life in the middle of nowhere. They felt in love, married and Iceland became their new home.

Marzena fjallar á táknrænan og marglaga hátt um landið, konurnar og sögu þeirra. HEIMAt er ferðalag í ljósmyndum sem fer með okkur frá fortíð til samtíðar. Fjölmargir þættir tilverunnar koma við sögu í verkinu, s.s. ást, áföll, fortíðarþrá og gleymska. Einnig er hið ósagða dregið fram – þó án þess að farið sé of náið út í smáatriði.

Þýski listamaðurinn Marzena Skubatz fæddist í Póllandi 1978. Hún lauk Diploma-námi í ljósmyndun frá University of Applied Sciences og hafa verk hennar verið sýnd víðs vegar um heiminn. Meginviðfangsefni hennar í listinni er fylgnin milli sjálfsvitundar mannsins og staða.

Marzena Skubatz

Sýningin er sett upp í samvinnu við þýska sendiráðið á Íslandi.

Elín Pjet. Bjarnason (1924 – 2009) fæddist á Íslandi, ólst upp á Akureyri en bjó í Kaupmannahöfn frá 21 árs aldri til dauðadags. Hún nam myndlist við Listaháskólann í Kaupmannahöfn; fyrst málaralist hjá Vilhelm Lundstrøm, 1945-1950, síðan veggmyndagerð hjá Elof Risebye, 1958-1959, og að lokum grafík hjá Holger J. Jensen 1962. Elín tók reglulega þátt í samsýningum í Kaupmannahöfn, en sýndi aðeins einu sinni í Reykjavík; það var ásamt Vigdísi Kristjánsdóttur vefara árið 1968. Fyrsta einkasýningin á verkum hennar var haldin í Listasafni ASÍ 2011.

Elín Pjet. Bjarnason

Listasafn ASÍ geymir um 550 verk Elínar; málverk, teikningar, grafík og freskur. Sýningin í Listasafninu á Akureyri er samstarfsverkefni safnanna tveggja og þar verða sýnd nokkur valin verk úr safninu sem systursynir listakonunnar, Pjetur Hafstein Lárusson og Svavar Hrafn Svavarsson, færðu Listasafni ASÍ að gjöf eftir fráfall hennar 2009.

Sýningarstjóri: Aðalsteinn Ingólfsson

Elín Pjet., Án titils, ekkert ártal.
WP2Social Auto Publish Powered By : XYZScripts.com