Www.danielstarrason.com

Listasafnið á Akureyri: A! kallar eftir gjörningum

A! Gjörningahátíð verður haldin í sjötta sinn 1.-4. október 2020. Í annað sinn verður kallað eftir gjörningum frá gjörningalistamönnum, leikurum, dönsurum, myndlistarlistafólki og öðrum sem áhuga hafa á að taka þátt. Stefnt er að því að velja 4-5 gjörninga úr innsendum tillögum sem fá greidda 75.000 króna þóknun. Þátttakendur eru hvattir til að sækja um styrki fyrir ferðum og öðrum kostnaði.

www.danielstarrason.com

Áhugasömum er bent á að senda myndir/vídeó/netslóðir ásamt texta (hámark ein A4 bls.) á netfangið: listak@listak.is. Umsóknarfrestur er til og með 30. janúar 2020.

A! er fjögurra daga alþjóðleg gjörningahátið sem haldin er árlega á Akureyri. Hátíðin er samvinnuverkefni Listasafnsins á Akureyri, Menningarfélags Akureyrar (MAk), Leikfélags Akureyrar, Lókal – sviðslistahátíðar í Reykjavík, Kynningarmiðstöðvar íslenskrar myndlistar og video-listahátíðarinnar Heim.

Hátíðin bíður upp á gjörninga og leikhústengd verkefni frá fjölbreyttum hópi listamanna – allt frá ungum byrjendum til eldri og reyndari atvinnumanna. Þátttakendur í A! hafa m.a. verið Magnús Pálsson, Paola Daniele, Rúrí, Theatre Replacement, Ka Yee Li, Anna Richardsdóttir, Gjörningaklúbburinn og Kviss búmm bang. Á hverju ári breytir hátíðin Akureyri í suðupott spennandi gjörninga.

www.danielstarrason.com
WP2Social Auto Publish Powered By : XYZScripts.com