Untitled 1

Listasafni Íslands: Nína Sæmundsson – Listin á hvörfum, sunnudagsleiðsögn 22. nóv.

Sunnudagsleiðsögn í Listasafni Íslands: Nína Sæmundsson – Listin á hvörfum

Björg Erlingsdóttir, verkefnastjóri fræðsludeildar, verður með leiðsögn um sýninguna sunnudaginn 22. nóvember kl. 15:30.

Nína Sæmundsson (1892–1965) var fyrsta íslenska konan sem gerði höggmyndalist að ævistarfi. Hún fæddist inn í bændasamfélag 19. aldar þar sem fáar konur í alþýðustétt fengu tækifæri til að ráða lífi sínu og láta draumana rætast en upphafið að ferli hennar varð ævintýri líkast. Á þriðja áratug síðustu aldar bjó hún í helstu listamiðstöðvum hins vestræna heims, í Róm, París og New York en saga hennar er öðrum þræði saga mikilla sigra, en um leið harmrænna örlaga sem höfðu mikil áhrif á líf hennar. Nína bjó frá upphafi yfir miklum viljastyrk og brennandi áhuga á listum og þróaði sinn klassíska stíl, sem hún var trú lengi framan af ferlinum, en þar sameinar hún hið stórbrotna og hið innilega. Hin uppreista manneskja varð eitt af helstu þemum hennar, ásamt andlitsmyndum, sem hún gerði að sérgrein sinni.

WP2Social Auto Publish Powered By : XYZScripts.com