5d9da452 B793 420b A413 E242d307b367

Listasafn Reykjavíkur – Ókeypis hrollvekju ritsmiðja og námskeið í líkanagerð.

Fjölbreytt dagskrá í vetrarfríinu hjá Listasafni Reykjavíkur

Það verður mikið um að vera hjá Listasafni Reykjavíkur í vetrarfríi  grunnskóla borgarinnar frá 23.–27. október. Boðið verður upp á skemmtilega dagskrá á meðan á fríinu stendur, auk þess sem fullorðnir í fylgd með börnum fá frítt inn. Fjölbreyttar sýningar eru í Hafnarhúsi, á Kjarvalsstöðum og Ásmundarsafni og  allir ættu að finna eitthvað við sitt hæfi.

Dagskrá

Föstudag 23. okt.–þriðjudags 27. okt. kl. 13-16
Ókeypis fimm daga hrollvekju ritsmiðja fyrir 8-12 ára

Listasafn Reykjavíkur býður upp á ritsmiðju fyrir 8-12 ára börn sem stendur yfir í fimm daga í Hugmyndasmiðjunni á Kjarvalsstöðum, frá föstudegi 23. október til þriðjudags 27. október frá kl. 13-16.

Á námskeiðinu verða lesnar draugasögur, skoðað hvernig sögurnar eru uppbyggðar og þátttakendur aðstoðaðir við að skrifa sína eigin hrollvekju. Námskeiðinu lýkur á uppskeruhátíð þar sem fjölskyldum höfundanna er boðið að koma og hlýða á afraksturinn.

Markús Már Efraím hefur umsjón með ritsmiðjunni. Hann ritstýrði hrollvekjusafninu Eitthvað illt á leiðinni sem  sem kom út í vor en höfundar bókarinnar eru börn á aldrinum átta til tíu ára.

Þátttaka er ókeypis en þar sem fjöldi barna er takmarkaður er nauðsynlegt að skrá sig fyrirfram á netfangið: fraedsludeild@reykjavik.is

Mánudag 26. okt. og þriðjudag 27. okt. kl. 9-12
Frítt námskeið í líkanagerð fyrir 9-12 ára

Listasafn Reykjavíkur býður upp á námskeið í líkanagerð fyrir 9-12 ára börn í Hafnarhúsi mánudaginn 26. október og þriðjudaginn 27. október frá kl. 9-12. Á námskeiðinu læra þátttakendur að búa til líkön og fá innsýn í vinnuferli Katrínar Sigurðardóttir frá hugmynd til listaverks.

Leiðbeinandi á námskeiðinu er Hildur Steinþórsdóttir arkitekt.

Þátttaka er ókeypis og ekki þarf að skrá sig á námskeiðið.

WP2Social Auto Publish Powered By : XYZScripts.com