Midpunkt.aðal

Listamannaspjall við Claire Paugam verðlaunahafa Hvatningarverðlauna 2020

Listamanna spjall við Claire Paugam verðlaunahafa Hvatningarverðlauna Myndlistarverðlaunanna árið 2020. 

Fimmtudaginn 16. júlí kl 17:00  Í Midpunkt, Hamraborg 22, Kópavogi

Shapeless Vibrations er fyrsta sýning Claire Paugam eftir að hafa tekið við Hvatningarverðlaunum Myndlistarverðlaunanna árið 2020. 

Claire Paugam fékk verðlaunin meðal annars fyrir „metnaðarfullt og kröft­ugt fram­lag til mynd­list­ar á ár­inu“. Að mati dóm­nefnd­ar hef­ur Claire Paugam skýra og áhuga­verða list­ræna sýn og er gjöf­ull og kröft­ug­ur þátt­tak­andi í list­inni.

Claire lauk myndlistarnámi við Beaux-Arts de Nates Métropole, Frakklandi, árið 2014. Hún fluttist til Íslands árið 2015 en þá hóf hún meistaranám við Listaháskóla Íslands. Þaðan útskrifaðist hún með MFA í myndlist árið 2016. 

Á þeim tíma sem Claire hefur verið búsett á Íslandi hefur hún verið virk í listasenunni. Öll hennar praktík á sér stað hér á landi en hún fæst við myndlist sem og fjölbreytt verkefni á sviði sýn­ing­ar­stjórn­un­ar, sviðshönn­un­ar, gerð tón­list­ar­mynd­banda, ljóða og texta­verka.

Claire og Valgerður Ýr kynntust þegar þær stunduðu báðar nám við Listaháskóla Íslands. Þær fundu samhljóm í listköpun sinni og efnistökum. Hugmyndir þeirra skapa heildræna sýn á innihaldið en á sama tíma varpa ljósi á mismunandi vinnuaðferðir, efnisval og framsetiningu. 

Samtal þeirra í sýningunni Shapeless Vibrition er einstakt og sýningin að öllu leiti fullkomin í sínum formlausa titring. 

Um Claire Paugam

Claire Paugam er frönsk listakona (f.1991) sem vinnur þverfaglega og býr í Reykjavík. Eftir útskrift úr MFA-námi Listaháskóla Íslands 2016 vann hún sem aðstoðarkennari við Listaháskólann á Réunion-eyju út af austurströnd Afríku. Claire hefur haldið sýningar á ýmsum stöðum á Íslandi og erlendism svo sem á Moskvutvíæringnum fyrir unga listamenn (2016) og á Ljósmyndahátíð Íslands í Gerðasafni (2018). Árið 2019 settist Claire í stjórn Nýlistasafnsins.
Í list sinni fæst Claire einkum við þrjú samofin atriði: Sambandið milli innra og ytra byrðis mannslíkamans í gegnum op á honum, formlausa hluti sem eru efni sem reynir að losna úr viðjum
og sjónræna samsvörun liffæra og steintegunda. Listakonan véfengir aðferðir okkar við að skilgreina náttúrulega hluti með því að fara yfir þær línur sem við drögum á milli þeirra. Útreiknuð framsetning og áferð gerir henni kleift að finna dulið samhengi hlutanna. Kjarninn í vinnu hennar er að varpa fram spur- ningum um efnið æeð því að stilla viðkvæmri reynslu upp gegn hefðbundnum kerfum reglna og túlkunar. 

https://clairepaugam.com

clapaugam@hotmail.fr

s: 773-7672 

Um sýninguna: 

Shapeless Vibrations er samsýning listakvennanna Claire Paugam og Valgerðar Ýrar Magnúsdóttur. Innsetning þeirra skoðar formleysu, viðfangsefni sem þær báðar kanna í gegnum listsköpun sína.
Að segja að hlutur sé formlaus getur virkað þversagnakennt, að hlutur hafi ekki form þegar allir hlutir hafa form. Hvers vegna að tala þá um formleysu? Hið formlausa er síbreytilegt, óskýrt og erfitt að fanga. Allt sem lifir mun óhjákvæmilega rýrna og missa form sitt. Formleysa er inngangur inn í hið óþekkta, hlið á
umhverfi okkar sem forðast að fara eftir reglum. Við teljum að með því að vinna með formleysu sé okkur kleift að endurskoða og enduruppgötva umhverfi okkar. Í stað þess að leitast við fullkomnun og fylgja rökhugsun um hvernig hlutir passa saman er það spennandi að kanna hvernig ólíkir hlutir úr umhverfi okkar mætast á óvæntan hátt.

WP2Social Auto Publish Powered By : XYZScripts.com