A429809c Df6e 4940 B04d 3519598b631d

Listamannaspjall: Ingibjörg Sigurjónsdóttir

Fimmtudag 1. september kl. 18 í Hafnarhúsi

Sýningarstjórinn Bryndís Erla Hjálmarsdóttir ræðir við listakonuna um verk hennar á sýningunni Þetta er okkar fyrsta og síðasta verk. Verkin á sýningunni eru í formi teikninga, skúlptúra, texta og myndbands. Framsetning Ingibjargar er ljóðræn og fínleg en að baki leynast margslungnar hugleiðingar um hina sífelldu leit sem felst í allri listsköpun.

Ingibjörg er fædd árið 1985 í Reykjavík. Hún lauk BA gráðu frá myndlistardeild Listaháskóla Íslands árið 2010 og hefur tekið þátt í sýningum, gjörningum og öðrum verkefnum bæði á Íslandi og erlendis. Ingibjörg býr og starfar í Reykjavík.

Þetta er fjórða einkasýning upprennandi listamanns í sýningaröð D-salarins á árinu. Markmið sýningaraðarinnar er að gefa efnilegum listamönnum tækifæri til að vinna innan veggja safnsins og beina athygli gesta að nýjum og áhugaverðum hræringum innan listheimsins. Áætlað er að opna fimmtu sýningu ársins fyrir áramót og verða þær þá orðnar 28 frá upphafi.

WP2Social Auto Publish Powered By : XYZScripts.com