Listamannaspjall í fylgd Ragnars Th. Sigurðssonar

1d43e201-4cd7-4596-a99e-154fc72e4256
Listamannaspjall í fylgd Ragnars Th. Sigurðssonar, ljósmyndara.
Sunnudagur 29. mars kl. 15

Ragnar Th. Sigurðsson, ljósmyndari og Norðurheimskautsfari leiðir gesti um sýninguna Ljósið á neðri hæð Gerðarsafns. Titill sýningarinnar vísar í endurhæfingarmiðstöðina Ljósið, sem veitir stuðning fyrir fólk sem hefur fengið krabbamein og aðstandendur þeirra. En öll verkin tók Ragnar á sama tíma og hann glímdi við krabbamein.
Ragnar hóf feril sinn sem fréttaljósmyndari árið 1975. Hann setti á stofn eigið ljósmyndastúdíó Arctic-Images árið 1985 og hefur síðan hlotið alþjóðlegan orðstýr fyrir fjölbreytt verkefni. Ljósmyndir hans hafa birst víða; í auglýsingaherferðum, bókum, tímaritum og dagblöðum á borð við New York Times, Time, Newsweek, National Geographic, Digital Photographer og Geographical. Ragnar er þekktur fyrir einstæðar náttúruljósmyndir sínar og hefur fengist við ljósmyndun á Norðurheimsskautssvæðinu í yfir 30 ár. Hann hefur ferðast víða og ljósmyndað þekkt náttúruundur Íslands. Ljósmyndir Ragnars af gosinu í Eyjafjallajökli birtust m.a. á forsíðu New York Times og Time, sem síðar birtist í yfirliti tímaritsins fyrir myndir ársins 2010.

Arctic-Images stúdíó Ragnars styrkir Ljósið um ágóða af sölu verkanna hjá Arctic-Images,www.arctic-images.com.

Frítt inn á leiðsögnina.

WP2Social Auto Publish Powered By : XYZScripts.com