Untitled 5 1 980×350

Listamannalaun 2019: Umsóknarfrestur 1. október

Auglýst eru til umsóknar starfslaun listamanna sem úthlutað verður árið 2019 í samræmi við ákvæði laga nr. 57/2009.

Umsóknum skal skila í síðasta lagi mánudaginn 1. október 2018.

Úthlutað verður úr eftirfarandi sjóðum:

  • launasjóður hönnuða
  • launasjóður myndlistarmanna
  • launasjóður rithöfunda
  • launasjóður sviðslistafólks
  • launasjóður tónlistarflytjenda
  • launasjóður tónskálda

Umsóknir skiptast í eftirfarandi flokka:

  • Starfslaun fyrir einn listamann í einn launasjóð eða fleiri, falli vinnan undir fleiri en einn sjóð.
  • Starfslaun fyrir skilgreint samstarf listamanna í einn launasjóð eða fleiri, falli vinnan undir fleiri en einn sjóð.
  •  Starfslaun fyrir sviðslistahópa. Sviðslistahópaumsókn er felld inn í atvinnuleikhópaumsókn.

Umsóknareyðublöð og eyðublöð fyrir framvinduskýrslu ásamt lögum og reglugerðum um sjóðinn má finna á vefslóðinni www.listamannalaun.is. Nota þarf rafræn skilríki við umsóknina.

Hafi umsækjandi hlotið starfslaun áður, verður umsókn aðeins tekin til umfjöllunar ef framvinduskýrslu vegna síðustu úthlutunar hefur verið skilað til stjórnar listamannalauna, sbr. ákvæði 4. gr. laga um listamannalaun nr. 57/2009.

  • Ferðastyrkir verða ekki veittir.
  • Eingöngu verður tekið við rafrænum fylgigögnum.

Nánari upplýsingar veitir Ragnhildur Zoëga á skrifstofu Rannís, listamannalaun@rannis.is.

Stjórn listamannalauna, ágúst 2018

WP2Social Auto Publish Powered By : XYZScripts.com