Listaháskólinn

Listaháskóli Íslands: A Valley and other moving landscapes – Nicolas Giraud

Opinn fyrirlestur í Listaháskóla Íslands

Nicolas Giraud er listamaður og ljósmyndari. Hann býr og starfar í í París og Arles í Frakklandi. Í verkum sínum tekst hann á við áhrif og hringrás mynda og myndmáls í samtímanum. Listrannsóknir hans tengjast oftar en ekki viðfangsefnum hans sem kennara, textahöfundar og sýningastjóra. Frank Dumont gallery í Los Angeles og mfc michéle didier í París eru umboðsaðilar fyrir verk Giraud.

Nicolas Giraud, Sand Fire, 2016

Í fyrirlestrinum mun Nicolas Giraud meðal annars fjalla um ljósmyndaverkefnið A Valley sem hann vann að á sex ára tímabili, frá 2013-2019. Með verkefninu rannsakar hann áhrif iðnaðar á landslag og samfélag í Frakklandi. Í fyrirlestri sínum mun Giraud fjalla um þetta verkefni og önnur sem hafa verið unnin með svipuðum aðferðum. Verkefnið er tilraun til að rannsaka hvernig framsetning okkar á heiminum er að breytast í fljótandi og hreyfanlega mynd af landslagi.

Sjá nánar á heimasíðu Giraud: http://ngiraud.com/

Fyrirlesturinn fer fram miðvikudaginn 8. janúar 2020 í Listaháskóla Íslands, Þverholti 11. Fyrirlesturinn er hluti af Ljósmyndahátíð Íslands, hann verður á ensku og eruð þið öll velkomin.

Nicolas Giraud & Bertrand Stofleth, A Valley, 2013 – 2019
WP2Social Auto Publish Powered By : XYZScripts.com