8d562d43 Efe4 48f5 8e11 030ee60f2693

…lífgjafi stórra vona: Leiðsögn sýningarstjóra, 03.02. á Kjarvalsstöðum

…lífgjafi stórra vona: Leiðsögn sýningarstjóra
Sunnudag 3. febrúar kl. 15.00 á Kjarvalsstöðum

Edda Halldórsdóttir sýningarstjóri leiðir fólk um sýninguna Jóhannes S. Kjarval: …lífgjafi stórra vona.

Jóhannes Sveinsson Kjarval (1885-1972) er einn ástsælasti listamaður þjóðarinnar og arfleifð hans lifir í fjölbreyttu lífsverki sem nær yfir fjölda málverka af náttúru landsins, kynjaverum sem þar leynast og fólkinu í landinu. Þannig má skipta myndefni Kjarvals gróflega í þrjá hluta; landslagsmyndir, fantasíur og mannamyndir. Þó skarast þetta oft þannig að í sömu myndinni getur verið að finna allar myndgerðirnar.

Í landslagsmyndum sínum birti Kjarval íslenska náttúru á gjörólíkan hátt en áður hafði tíðkast og kenndi landsmönnum að horfa á landið nýjum augum og meta fegurðina sem býr í hrauninu og mosanum við fætur okkar. Kjarval skipar stóran sess í íslenskri menningar- og listasögu og hefur veitt síðari kynslóðum listamanna ómældan innblástur.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

WP Facebook Auto Publish Powered By : XYZScripts.com