1ac82ad9 A6d7 4085 889e F0b735bbe62a

Líðandin – la durée: Leiðsögn á síðasta sýningardegi, sunnudag 29. apríl kl. 14.00 á Kjarvalsstöðum

Leiðsögn um sýninguna Líðandin – la durée með Eddu Halldórsdóttur, verkefnastjóra skráningar hjá Listasafni Reykjavíkur, á lokadegi sýningarinnar.

Sýningunni Líðandin – la durée á Kjarvalsstöðum lýkur sunnudaginn 29. apríl. Á sýningunni eru mörg sjaldséð verk, einkum frá fyrri hluta starfsævi Jóhannesar Sveinssonar Kjarval (1885-1972).

Verk sýningarinnar eru undir sterkum áhrifum frá framúrstefnuhreyfingum eins og fútúrisma og kúbisma. Sundurgreinandi form og uppbrot sjónarhornsins voru meðal helstu einkenna þessara listhreyfinga.

Kjarval kynntist þessum hreyfingum sem ungur maður í Kaupmannahöfn þar sem hann stundaði listnám og einnig í London þar sem hann sá sýningar á verkum ítalskra fútúrista sem höfðu áhrif á hann. Hann tókst á við þessar hugmyndir á gagnrýninn hátt og skapaði sitt persónulega myndmál.

WP2Social Auto Publish Powered By : XYZScripts.com