4d3dbf18 7fb6 44eb 8eaf 8c92f362e007

Leiðsögn listamanns: Hrafnhildur Arnardóttir / Shoplifter, 09.06. í Ásmundarsafni

Leiðsögn listamanns: Hrafnhildur Arnardóttir / Shoplifter
Laugardag 9. júní kl. 15.00 í Ásmundarsafni

Fulltrúi Íslands á Feneyjatvíæringnum 2019, Hrafnhildur Arnardóttir / Shoplifter verður með leiðsögn um sýningu sína Innrás II í Ásmundarsafni. Hrafnhildur laumar verkum sínum inn á milli verka Ásmundar, sveipar önnur dýrðarljóma og hjúpar með áhrifaríkri aðferð.

Nú hefur verið tilkynnt um að Hrafnhildur, ásamt sýningarstjóranum Birtu Guðjónsdóttur og hljómsveitinni HAM, verður fulltrúi Íslands á Feneyjatvíæringnum á næsta ári.

Verk Hrafnhildar Arnardóttur / Shoplifter eru allt í senn rómantísk, kjánaleg, fyndin og falleg. Hún hefur leikið sér með andstæður, fínlega efnisnotkun og handverk ásamt ofhlæði og afkáraleika.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

WP2Social Auto Publish Powered By : XYZScripts.com