Leiðsögn í fylgd Svövu Björnsdóttur og Ingunnar Hafstað

77756b4a-2f34-4e5a-8577-0883d3070a3f

 

f7db27e9-3513-4b15-9a32-f62c171618c5     f695bf8e-4866-491f-831b-435d740a3b4a

 

 

Leiðsögn um Andvara: Svava Björnsdóttir og Ingunn Hafstað 

Næstkomandi sunnudag, 15. febrúar kl. 15:00 munu  Svava Björnsdóttir, myndlistarmaður og  Ingunn Hafstað, bróðurdóttir Valgerðar Hafstað (1930-2011)  leiða gesti um sýningu hennar Andvari sem stendur nú yfir í Gerðarsafni í Kópavogi.

Valgerður Hafstað nam myndlist í Reykjavík, Kaupmannahöfn og París, en þar lærði hún einnig mósaíkgerð ásamt málaralistinni. Í París bjó hún til ársins 1974 með eiginmanni sínum, André Énard myndlistarmanni, en þá settust þau að í New York þar sem þau stunduðu kennslu samhliða listmálun. Verkin á sýningunni spanna allan listamannsferil Valgerðar. Þau elstu eru geómetrískar abstraktmyndir frá 1953-55. Í byrjun sjöunda áratugarins leysast formin upp, en verk Valgerðar eru á mörkum þess hlutbundna og óhlutbundna. Oft á tíðum má greina óljóst landslagsmótíf eða húsaþyrpingar sem hún virðist hafa umbreytt á einn eða annan hátt. Valgerður hélt bæði einkasýningar og tók þátt í samsýningum hér á landi, í Bandaríkjunum og Evrópu. Fyrsta myndlistarsýning Valgerðar var samsýning hennar og Gerðar Helgadóttur árið 1957 í Galerie La Rouge í París. Ári síðar hélt hún sína fyrstu einkasýningu í Listsalnum Ingólfsstræti. Einnig hélt hún einkasýningu í Gerðarsafni árið 2002 undir yfirskriftinni Yfirgrip.

Sjá nánar um sýninguna á heimasíðu Gerðarsafns: www.gerdarsafn.is

Safnið er opið alla daga nema mánudaga frá kl. 11-17. Aðgangur 500 kr. Ókeypis á miðvikudögum.

WP2Social Auto Publish Powered By : XYZScripts.com