294584e0 C246 42b8 B7c9 908d36624de6

Leiðsögn: Án titils – samtímalist fyrir byrjendur Fimmtudag 7. febrúar kl. 20.00 í Hafnarhúsi

Án titils – samtímalist fyrir byrjendur er heiti mánaðarlegra kvöldstunda í Hafnarhúsinu. Þá er tekið á móti þeim sem hafa áhuga á að kynna sér samtímalist en eru byrjendur á því sviði.

Hér fá gestir innsýn í heim myndlistar í dag – hvað eru listamenn að spá, hvernig virkar listasafn og hvað aðgreinir það frá öðrum sýningarstöðum? Farið verður yfir meginatriði samtímalistar frá árinu 1973 til dagsins í dag og notuð valin verk úr safneign Listasafns Reykjavíkur til glöggvunar. Gestir fá fræðslu um yfirstandandi sýningar áður en haldið verður í salina. Þetta er kjörið tækifæri til að ræða í góðu tómi um allt sem fólki dettur í hug og leita svara við því sem vekur furðu eða forvitni. Í boði er notaleg kvöldstund fyrir vinahópa, samstarfshópa og fjölskyldur. 

Þeir sem skilja hvorki upp né niður í samtímalist eða hafa jafnvel aldrei komið á listasafn eru sérstaklega velkomnir! 

Þátttökugjald er innifalið í aðgangsmiða að safninu. Engin þörf á skráningu. Frítt fyrir handhafa Árskorts Listasafns Reykjavíkur og Menningarkorts Reykjavíkur.
WP2Social Auto Publish Powered By : XYZScripts.com