Einskismannsland – Ríkir þar Fegurðin Ein? Hafnarhúsið

Leiðsögn: Án titils – samtímalist fyrir byrjendur 06.09.

Leiðsögn: Án titils – samtímalist fyrir byrjendur
Fimmtudag 6. september kl. 20.00

Án titils – samtímalist fyrir byrjendur er heiti kvöldstunda í Hafnarhúsinu fyrsta fimmtudag í hverjum mánuði. Þá er tekið á móti þeim sem hafa áhuga á að kynna sér samtímalist en eru byrjendur á því sviði.

Hér fá gestir innsýn í heim myndlistar í dag – hvað eru listamenn að spá og hvernig virkar listasafn? Litið er á nokkur verk á sýningunni og tækifæri gefst til að spjalla í góðu tómi um allt sem fólki dettur í hug og leita svara við því sem vekur furðu eða forvitni. Kvöldin eru kjörinn vettvangur ánægjulegra samverustunda vinahópa, samstarfshópa og fjölskyldna.

Þeir sem skilja hvorki upp né niður í samtímalist eða hafa jafnvel aldrei komið á listasafn eru sérstaklega velkomnir!

Fyrsta kvöldstund vetrarins er fimmtudag 6. september kl. 20 og verður endurtekin mánaðarlega í vetur.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

WP2Social Auto Publish Powered By : XYZScripts.com