Listhúsófeigs

Keramik sýningin Hart/Mjúkt opnar þann 23. mars í Listhúsi Ófeigs og stendur til 15. apríl 2019

Samsýning átta keramikera og hönnuða í Listhúsi Ófeigs á efri hæð Skólavörðustígs 5 þar sem Kaolin Keramik Galleri er einnig til húsa.

Heiti sýningar okkar Mjúkt/Hart lýsir andstæðum sem liggja sem rauður þráður gegn um allt ferlið við sköpun verks úr leir.

Leirinn er tekinn mjúkur úr jörðinni. Hann harðnar ofan jarðar en komist hann í tæri við vökva getur hann runnið úr greipum okkar og samlagast jörðinni aftur.

En í hita eldsins umbreytist hann og verður svo harður að sjálfur tíminn vinnur varla á.

Tímanum, sem yfirvinnur allt að lokum, tekst varla að eyða leir hertum í eldi eins og sagan sannar. Það hefur gert okkur kleift að kynnast verkum þeirra formæðra og feðra sem voru með þeim fyrstu til að umbreyta þessu magnaða efni úr mjúku í hart.

Í höndum okkar mótum við form þar sem andstæðurnar hart/mjúkt kallast gjarnan á til að skapa spennu og eftirvæntingu í verkum okkar.

Hvassir harðir tindar eða mjúkar ávalar hæðir lífsins taka sér bólfestu í huga okkar og í því rými verður til sú hugmynd sem sprettur fram í sköpun okkar. Það kallast innblástur.

Með sýningu þessari viljum við gefa gestum innsýn í hvernig við, hver fyrir sig, nýtum okkur þessar andstæður á margskonar og með ólíkum hætti.

Sýnendur eiga og reka Kaolin Keramik Galleri.

Þær eru:

Þórdís Baldursdóttir

Svafa B. Einarsdóttir

Sigrún Norðdal

Katrín V. Karlsdóttir

Inga Elín

Guðný M. Magnúsdóttir

Embla Sigurgeirsdóttir

Dagný Gylfadóttir

WP2FB Auto Publish Powered By : XYZScripts.com