Hs3

Keramík – leiðsögn með Steinunni sunnudaginn 3. apríl

Keramík – leiðsögn með Steinunni

Steinunn Aldís Helgadóttir ræðir við gesti sunnudaginn 3. apríl kl. 15

Keramík er sýning sem Listasafn Árnesinga setur upp í tilefni af 35 ára afmæli Leirlistafélags Íslands og þar má sjá verk eftir 47 núverandi félagsmenn. Fjölbreytileiki fagsins endurspeglast í þeim 480 munum sem þar eru til sýnis eftir reynslumikla frumkvöðla í sögu leirlistar hér á landi en einnig yngri hönnuði og listamenn sem vinna að viðgangi fagsins. Sjá má aukna áherslu á hönnun og fjöldaframleiðslu en þó með virðingu fyrir handverkinu og hugvitinu. Steinunn Aldís Helgadóttir mun ganga um sýninguna og segja frá fölbreyttum mótunaraðferðum, glerungum og brennslum ásamt að svara spurningum sem vakna.

Steinunn nam leirlist við háskólann í Stokkhólmi, hefur sinnt leirlist og kennslu um árabil bæði í Svíðþjóð og á Íslandi. Hún er nú búsett í Hveragerði. Árið 1996 stofnaði hún fyrirtækið Leirkrúsina og rak í 15 ár. Þar hélt hún fjölbreytt námskeið í leirmótun, rennslu, glerungagerð og brennsutækni auk þess að vinna að hönnun og framleiðslu á nytjahlutum og handgerðum leirflísum. Steinunn hefur líka starfað sem myndlistatakennari í grunn- og endurmenntun fyrir uppeldis- og kennarastéttir; við Kennaraháskóla Íslands, Fósturskólann, Námsflokka Reykjavíkur og í sveitarfélögum.

Sýningarnar Keramík og KvíKví munu standa til og með 1. maí. Listasafn Árnesinga er opið fimmtudaga – sunnudaga kl. 12 – 18 og aðgangur ókeypis, líka í leiðsögnina.

WP2Social Auto Publish Powered By : XYZScripts.com