Download (18)

Katrin Hahner, lokahóf í Gallerí Port 30.06.2018

Katrin Hahner: Suchness, Gallery Port, 15/6 – 1/7 , Lokahóf 30/6 16:00

Katrin Hahner er myndlistarmaður sem starfar í Berlín. Hún er fjöllistmaður í eðli sínu og vinnur verk sín með mörgum hætti. Hún notar sjónlist, tónlist, ljóðlist, gjörninga og hljóð í verkum sínum.

Katrin var í gestavinnustofu á vegum SÍM í Reykjavík part úr síðasta vetri, auk þess stjórnaði hún tónlistinni fyrir leiksýninguna Guð blessi Ísland í Borgarleikhúsinu, 2017, ásamt Þorleifi Erni Arnarsyni.

SUCHNESS er fyrsta myndlistarsýning hennar á Íslandi.

Hún er með meistaragráðu í myndlist frá listaháskólanum í Stuttgart og Berlin Weissensee.
Katrin hefur unnið með kvikmyndaleikstjórum, listamönnum og tónskáldum, t.d. Marcus Fjellström, Uta Eisenreich, Rosie Heinrich, Eva Meyer-Keller, Irene von Alberti og mörgum fleiri.
Verk Katrinar vinnur hún upp úr rannsóknum sínum á goðafræði, frumbyggjatónlist, dulfræði, götulist, teiknimyndasögum, skúlptúrum og kvikmyndum.
Rannsókn hennar getur auðveldlega rúmað bæði nútímatónlist og ljóðlist á móti listasögunni og fornum bókmenntum, þess vegna eru verndargripirnir sem hún gerir og málverkin öflugt verkfæri fyrir nýjan tíma.
Listaverk Katrinar sameina hið liðna og hið ókomna, hún skapar sérstaklega umvefjandi umhverfi þar sem goðafræði og dulfræði, götulist og málarahefðin mætast.
Verndargripir (amulet) eiga sér langa sögu í dulrænum efnum. Að ganga með verndargrip og umkringja sig hinu ritaða orði / galdraþulum er öflugt töfraverkfæri sem hefur verið notað um heim allan um þúsundir ára. Verndargripirnir hjálpa okkur að að muna, þeir hjálpa okkur að móta og geirnegla drauma okkar og þrár inn í undirmeðvitundina.

Katrin Hahner byggir brýr milli fortíðar og framtíðar, götulistar og hálistar, hún skapar umvefjandi umhverfi sem er fullt af töfrandi ljósi og er kynngimagnað.

 

WP2Social Auto Publish Powered By : XYZScripts.com