Windowgallery1

Íslensk listakona í streymi frá glugga í París

Þann 16 apríl mun listakonan Ragnheiður Bjarnarson koma sér fyrir í gluggum The Window Gallery í hjarta Parísarborgar og fremja gjörninga.

Þessi eins manns gjörningahátíð mun standa til 20. apríl og verður í streymi á netinu. Verkin eru sýnd sem hluti af Polar, norrænni listahátíð sem á ári hverju flytur inn myndlistafólk, dansara, skáld, kvikmynda- og tónlistafólk til Parísarborgar.

Ragnheiður hefur um langt skeið fengist við myndlist og dans. Hún er útskrifaður dansari frá listaháskóla Íslands og kláraði meistaranám í list í almannarými við háskólann í Gautaborg. Hún er einn af tveimur eigendum menningarrýmisins Midpunkt.

The Window sem staðsett er í tíunda hverfi Parísarborgar er rekið af danshöfundinum Catherine Bay. Rýmið er tilraunarými sem hefur hýst margvíslegar sýningar og gjörninga frá 2014.

WP2FB Auto Publish Powered By : XYZScripts.com