Grafík.íslensk

ÍSLENSK GRAFÍK – Afmælissýning

Félagið Íslensk grafík fagnar nú 50 ára afmæli sínu

 Í tilefni þess var opnuð sýning á verkum 46 félagsmanna í Norræna húsinu laugardaginn 16. maí 2020.

Sýningarstjóri er Birta Guðjónsdóttir.

Sýningin stendur til 9. ágúst 2020 og aðgangur er ókeypis. Opnunartími Norræna hússins er þri-sun 10-17. Lokað á mánudögum.

Verk félagsmanna eru unnin með ýmsum aðferðum grafíklistarinnar. Sýningunni er ætlað að fagna starfsemi Íslenskrar grafíkur og þeirri breidd í aðferðum og tækni sem félagsmenn hafa tileinkað sér á löngum og farsælum starfstíma félagsins. Á sýningunni verða einnig valin verk heiðursfélaga Íslenskrar grafíkur.

Uppgangur hefur verið í grafíklistinni á undanförnum árum á Íslandi og í nágrannalöndunum. Það er mikið fagnaðarefni hversu vel grafíkin hefur haldið velli sem listgrein og heldur áfram að eflast. Félagsmönnum í Íslenskri grafík hefur fjölgað töluvert á síðastliðnum áratug og eru þeir nú um hundrað talsins.

Fjölmargar af sýningum Íslenskrar grafíkur hafa verið haldnar í Norræna húsinu, allt frá upphafsárum félagsins. Þykir okkur því viðeigandi og ánægjulegt að halda afmælissýninguna í sýningarsalnum Hvelfingu sem nýlega var opnaður á neðri hæð Norræna hússins eftir endurbætur. Verið hjartanlega velkomin

WP2Social Auto Publish Powered By : XYZScripts.com