Floating 01 2016P2

Ís og land – ný sýning í Ljósmyndasafni Reykjavíkur opnar á laugardag

Ís og land – Ljósmyndir frá Íslandi og Grænlandi 1999-2017

(ENGLISH BELOW)

Ís og land er yfirskrift sýningar sem opnuð verður í Ljósmyndasafni Reykjavíkur laugardaginn 12. maí kl. 15:00. Ljósmyndirnar tók hinn þekkti þýski ljósmyndari Olaf Otto Becker á Íslandi og Grænlandi á árunum 1999-2017.

 

Áhrifamiklar og ægifagrar landslagsljósmyndir Olafs Ottos Beckers fjalla um breytingaferli í náttúrunni sem orsakast af loftslagsbreytingum og öðrum manngerðum áhrifum. Í verkum hans sameinast persónuleg og listræn nálgun á heimildaljósmyndun sem vekur upp spurningar um félagslega og menningarlega þætti í samtímanum.

Á sýningunni  „Ís og land – Ljósmyndir frá Íslandi og Grænlandi 1999–2017“ er stillt saman verkum úr margverðlaunuðum ljósmyndaverkefnum Beckers, sem einnig eru gefin út sem ljósmyndabækur. Annars vegar úr „Under the Nordic Light: A Journey Through Time: Iceland 1999–2011“ þar sem ásýnd íslensks landslags og hvernig það breytist með tímanum er í miðpunkti og hins vegar úr þremur verkefnum hans frá Grænlandi: „Broken Line“ (2007), „Above Zero“ (2009) og hinu nýútkomna „Ilulissat–Sculptures of Change—Greenland 2003–2017“. Öll fjalla þau um áhrif hnattrænnar hlýnunar og hvernig við erum vitni að henni með því að horfa upp á bráðnun jökla.

 

Olaf Otto Becker fæddist í Þýskalandi árið 1959. Hann nam upplýsingahönnun, heimspeki og stjórnmálafræði. Frá árinu 2003 hefur hann unnið sjálfstætt að eigin verkefnum og birtast landslagmyndir hans reglulega í tímariti New York Times.  Þær eru einnig sýndar um allan heim á alþjóðlegum ljósmyndahátíðum, söfnum og galleríum. Einnig er þær að finna í fjölda einkasafna og í opinberum söfnum.

Í Kubbnum verður sýnd upptaka af fyrirlestri ljósmyndarans um þessi tilteknu ljósmyndaverkefni.

Sunnudaginn 13. maí kl. 13:15 verður boðið upp á sýningarspjall með Olaf Otto Becker.

Sýningunni lýkur 16. september 2018.

Sjá nánar á: http://borgarsogusafn.is/is/ljosmyndasafn-reykjavikur/syningar/olaf-otto-becker-og-land-ljosmyndir-fra-islandi-og-graenlandi

Ljósmyndasafn Reykjavíkur

Tryggvagötu 15, 6. hæð, 101 Reykjavík

//////////////////////////////////////

Press Release 9 May 2018

Guðrún Helga Stefánsdóttir, Marketing & PR Manager +354 4116343/8996077

Jóhanna Árnadóttir, Exhibition Curator +354 4116309

Reykjavík Museum of Photography – Reykjavík City Museum

 

 

Ice and Land – Photographs from Iceland and Greenland 1999-2017

 

Ice and Land, is the name of a new exhibition at Reykjavík Museum of Photography that will open on May 12, 2018 with photos taken by Olaf Otto Becker.

 

Olaf Otto Becker’s sublime and spectacular photographs address changes in the natural environment arising from climate change and other human influence. His works bring together a personal and artistic approach to documentary photography, raising questions about social and cultural issues in our time.

The exhibition brings together works from acclaimed photographic projects by Becker, which have also been published in book form. They are drawn from Under the Nordic Light: A Journey Through Time: Iceland 1999–2011, which focuses on the Icelandic landscape and how it changes over time, and from three projects from Greenland: Broken Line (2007), Above Zero (2009), and the newly-published Ilulissat – Sculptures of Change—Greenland 2003–2017. These all explore the effects of global warming, and how we witness that process as we watch the glaciers melt.

 

Olaf Otto Becker was born in Germany in 1959. He studied communication design, philosophy and politics. Since 2003 he has been working freelance on his own projects. His landscape photographs are often published in the New York Times Magazine, and they are exhibited around the world at international photography festivals as well as in museums and galleries. His work is also found in many private and public collections.

During the exhibition a lecture by Becker on these photography projects is screened in the viewing-space Kubburinn (the Cube).

Olaf Otto Becker will have an exhibition talk at the museum on Sunday 13 May at 13:15.

The exhibitions ends on September 16, 2018.

For more information see http://borgarsogusafn.is/en/reykjavik-museum-of-photography/exhibitions/olaf-otto-becker-ice-and-land-photographs-iceland-and

Reykjavík Museum of Photography

Tryggvagata 15, top floor, 101 Reykjavík

WP Facebook Auto Publish Powered By : XYZScripts.com