9b084693 Cded 49cf 9fce Ecdfcac8f367

Innrás III: Leiðsögn listamanns 02.09. í Ásmundarsafni

Innrás III: Leiðsögn listamanns
Sunnudag 2. september kl. 14.00 í Ásmundarsafni

Leiðsögn með Matthíasi Rúnari Sigurðssyni um sýninguna Innrás III.

Matthías Rúnar Sigurðsson vinnur meðal annars höggmyndir í stein. Klassísk handverksnotkun hans kallast skemmtilega á við verk Ásmundar Sveinssonar og er fróðlegt að sjá ungan og upprennandi myndhöggvara sýna verk sín í samhengi Ásmundarsafns.

Árið 2018 eru fyrirhugaðar fjórar innrásir inn í sýninguna List fyrir fólkið, þar sem völdum verkum Ásmundar er skipt út fyrir verk starfandi listamanna.

Fjórum listamönnum hefur verið boðið að setja upp verk sín á sýningunni í einkasamtali við verk Ásmundar. Það eru Guðmundur Thoroddsen, Hrafnhildur Arnardóttir/Shoplifter, Margrét Helga Sesseljudóttir og Matthías Rúnar Sigurðsson. Öll vinna þau skúlptúra í ólík efni og veita verk þeirra áhugaverða sýn á þróun þrívíðrar myndlistar, efnisval og viðfangsefni.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

WP2Social Auto Publish Powered By : XYZScripts.com