IngaSólveig Kúba Small

Inga Sólveig Friðjónsdóttir opnar sýningu í Ramskram 30. september

Inga Sólveig Friðjónsdóttir opnar sýningu í Ramskram 30. september

Sýninginn stendur til 5. nóvember. 
Ramskram er opið um helgar milli 14 – 17

 

“Nokkur þúsund augnablik”

Það má segja að ég sé haldin einskonar ferðafýsn. Alveg frá því ég var barn og las af áfergju 1001 nótt og skoðaði myndir af ættbálkum Afríku, dreymdi mig um að ferðast til fjarlægra landa. Þó ég hafi aðeins skoðað brotabrot af löndum jarðar, gefur það mér alltaf jafn mikið að upplifa aðra menningu, fólk, byggingar og andrúmsloft. En að skoða síðan hvað þú kýst að mynda á þessum ferðalögum er forvitnilegt, því í rauninni er maður oftast bara sjá yfirborðið, ekki raunveruleikann sem býr t.d.á bakvið allar þessar lokuðu dyr. Minningarnar verða stundum kaótískar, og þannig eru þær settar fram í þessum verkum frá Kúbu og öngstrætum í Austurlöndum.

 

Inga Sólveig útskrifaðist frá San Francisco Art Institute 1987. Hún hefur síðan haldið yfir 30 eikasýningar og tekið þátt í ýmsum samsýningum. Hún heldur í heiðri aðferðum gömlu meistaranna og vinnur mest með svart/hvítt, handmálar stundum með olíu og bætir inn teikningum. Verkin hennar vitna oft til fortíðar og fjalla um tabú eins og dauðann og trúarbrögð, gerir oft myndaraðir sem segja áhorfandanum óræðar sögur. Hún myndar líka náttúruna og fókuserar á dramatík ljós og skugga.

 

RAMskram er sjálfstætt starfandi sýningarrými tileinkað samtímaljósmyndun.

Njálsgata 49 101 Reykjavík

https://www.facebook.com/RAMskram.Iceland/

Facebook Auto Publish Powered By : XYZScripts.com