Hringrás

Hringrás | Opnun sýningar Ólafar Einarsdóttur

Borgarbókasafnið | Menningarhús Kringlunni
15. mars – 15. apríl 2018

Fimmtudaginn 15. mars kl. 17:30 opnar sýning á verkum listakonunnar Ólafar Einarsdóttur. Sýningin nefnist Hringrás og er hún hluti af Hönnunarmars.

Ólöf Einarsdóttir lauk námi úr Textíldeild Myndlista- og handíðaskóla Íslands 1985. Hún hefur síðan haldið einkasýningar á Íslandi og erlendis og tekið þátt í fjölda samsýninga víða um heim. Ólöf hefur einkum notað spjaldvefnað í listsköpun sinni, ofið bæði veggverk og þrívíð verk í rými. Myndefnið hefur hún gjarnan sótt til íslenskrar náttúru og er efniviðurinn þræðir s.s. hör, hrosshár, snæri og ull.

Í sýningunni Hringrás lítur Ólöf til myndheims sem handverk fortíðarinnar birtir okkur, aðallega til hins keltneska, sem helst hefur verið sýnilegur í handverkshefðum silfursmíði og tréskurðar á Íslandi. Hún tengir þessi fornu form nútímanum með því að vinna smærri myndverk og skartgripi með hinni ævafornu vefnaðaraðferð, spjaldvefnaði, og byggja á þeim formum, einkum hringforminu.

Sýningin stendur til 15. apríl.

Viðburðurinn á Facebook.

WP2Social Auto Publish Powered By : XYZScripts.com