Stúlka F Vikudag

Hjördís Frímann sýnir Stúlku í Mjólkurbúðinni

Hjördís Frímann opnaði myndlistarsýningu í Mjólkurbúðinni í Listagilinu á Akureyri laugardaginn 22. apríl. Á sýningunni er Hjördís með innsetningu með rúmlega þrjátíu teikningum sem allar eru unnar út frá einni og sömu teikningunni, andlitsmynd af stúlku eftir hana sjálfa.

Hjördís er myndlistarmaður og leikskólakennari, fædd á Akureyri 1954 og flutti á heimaslóðir árið 2008. Hún lauk myndlistarnámi frá Museum of Fine Arts í Boston árið 1986 og hefur málað síðan, mest með akrýl, en einnig í olíu. Hjördís er spunamálari og yfir verkum hennar er ævintýrakenndur blær. Litagleðin er alltaf til staðar og leikur með form og liti, en teikningin er jafnan sterkur þáttur í málverkum hennar. Þetta er hins vegar fyrsta sýning hennar sem er alfarið helguð teikningum. Teikningarnar á þessari sýningu eru allar unnar út frá einni einfaldri andlitsteikningu, sem hún færir í mismunandi búning og nýtir meðal annars tölvu- og prenttækni í leik með útfærslur.

Sýningin verður opin helgina 29. og 30. apríl.

WP Facebook Auto Publish Powered By : XYZScripts.com