óttalegur Kjáni Get ég Verið

Hildur Henrýsdóttir opnar sýningu í SÍM salnum 8. júní

(ENGLISH BELOW)

Verið hjartanlega velkomin á einkasýningu Hildar Henrýsdóttur „Óttalegur kjáni get ég verið“ í SÍM salnum, Hafnarstræti 16, 101 Reykjavík. Sýningin opnar föstudaginn 8. júní kl. 17.00 til 19.00. Léttar veitingar verða í boði.

Sýningin stendur til 22. júní og verður opin á skrifstofutíma SÍM frá kl. 10 – 16, mánudaga til föstudaga.

Sýningin samanstendur af vatslitamyndum og skúlptúrum sem hún vann í gestavinnustofum í Portúgal og Marokkó sl. tvo mánuði. Einnig fremur hún gjörninginn „blue moon“ á opnuninni sem verður svo endurtekinn síðar á sýningartímabilinu. Verkin eru sjálfsmyndir þar sem hún vegur salt á milli sjálfsskoðunar og sjálfsgagnrýni á melankólískan og húmorískan hátt. Hún birtir sjálfa sig á óvæginn, berskjaldaðan, og einlægan máta.

Hildur Ása Henrýsdóttir (1987) útskrifaðist frá Myndlistadeild Listaháskóla Íslands vorið 2016 og lauk BA námi í Nútímafræði frá Háskólanum á Akureyri 2012. Hún býr og starfar í Reykjavík.

Hildur vinnur olíumálverk á striga, einnig teikningar, skúlptúra, gjörninga og ljósmyndir. Verk hennar fjalla um tilfinningalíf og tilvistarleg átök í innra lífi einstaklinga. Hún veltir einnig fyrir sér með hvaða hætti hinn ytri veruleiki mótar einstaklinga og hefur áhrif á upplifanir þeirra.

Sýningin í SÍM salnum er hennar fjórða einkasýning.

Heimasíða:
hildurhenrysdottir.is

Instagram:
hildurhenrysdottir_art

——————————————————-
You are very welcome to Hildur Henrýsdóttir‘s solo exhibition “What a fool I am“ in SIM Gallery, Hafnarstræti 16, 101 Reykjavík. It will open on Friday 8th of June at 5pm to 7pm. It runs until 22th of June and the opening hours are 10 am to 4 pm, Monday to Friday.

The exhibition consists of new aquarelles and sculptures done in artist residencies in Portugal and Morocco. I addition she will do the performance “blue moon” on the opening. The works are self-portraits that oscillate between self-reflection and self-criticism in melancholic, but humorous ways. She displays herself in a brutal, vulnerable and sincere way.

Hildur Ása Henrýsdóttir (b. 1987) graduated from the Fine Art department in the Iceland Academy of the Arts in 2016, and BA in Modern Studies from the University of Akureyri in 2012. She works with different mediums and her works deal with the individual’s emotions and inner struggle. She also wonders how the material world shapes us and our experience. Hildur has taken part in various group exhibitions and this is her fourth solo exhibition. She lives and works in Reykjavík.

Website:
hildurhenrysdottir.is

Instagram:
hildurhenrysdottir_art

WP2Social Auto Publish Powered By : XYZScripts.com