Hafnarborg.logo

Hafnarborg: Skapandi tilraunasmiðjur í vetrarfríi

Skapandi tilraunasmiðjur í vetrarfríi21. og 22. október kl. 13–15

Hafnarborg býður börnum á grunskólaaldri að koma og taka þátt í skemmtilegum og skapandi tilraunasmiðjum í vetrarfríi. Smiðjurnar verða hvor með sínu sniðinu, svo hægt er að taka þátt í annarri eða báðum smiðjum, eftir hentugleika.

Skuggasögur
Mánudaginn 21. október kl. 13–15
Unnið verður með ljós, skugga, frásagnir og leik. Þátttakendur klippa út form og setja úrklippurnar á prik eða spotta, sem má nota til að segja sögur og gera tilraunir með ljós og skugga. Þátttakendur taka upp stutt myndskeið og ljósmyndir af tilraunum sínum. Leiðbeinandi er Berglind Jóna Hlynsdóttir, myndlistarkona.

Tilraunastofa
Þriðjudaginn 22. október kl. 13–15
Unnið verður með margvísleg efni til að teikna og mála en alls verða fjórar aðferðir prufaðar. Skipt verður um efni og aðferð á hálftíma fresti. Gerðar verða tilraunir með vatnsliti og túss, kolateikningar, blýantsteikningar, sápukúlur og lit. Leiðbeinandi er Unnur Mjöll Leifsdóttir, myndlistarkona. Smiðjurnar fara fram í Apótekssalnum á fyrstu hæð safnsins. Þátttakendur eru hvattir til að hafa síma eða stafræna myndavél meðferðis í fyrri smiðjuna til að taka myndir og myndbönd. Börn geta komið í fylgd foreldra eða forráðamanna en eins og venjulega er ókeypis aðgangur að smiðjunum og sýningum safnsins.

WP2Social Auto Publish Powered By : XYZScripts.com