27912757 1303859333049342 3229895207399457715 O

Guðlaug Gunnarsdóttir // 17. Júní

(ENGLISH BELOW)

17. júní
Guðlaug Gunnarsdóttir

Listastofunni, Hringbraut (JL húsið)
24. feb – 8. mars 2018
Opið mið – lau / open wed – sat 13:00 – 17:00

Blóm fá mörg hlutverk í samfélagi manna.  Fögnuður, upphefð, jarðsetning og skilaboð. Við gefum þau í gjafir, skreytum með þeim, húðflúrum okkur með blómum og hengjum blómsveiga á styttur.
Sumir fá einungis blóm frá makanum þegar hann hefur gert eitthvað á rétt þeirra. Eins fær fólk og dýr mismunandi hlutskipti. Sumir eru þjóðhöfðingjar, forystufé og fyrirmenni á meðan að aðrir eru dráttarhestar, þjónar, gæludýr eða húsbóndahollir vinnumenn. Öll hafa þau samt augu.

Á þessari sýningu er teflt saman tveimur seríum sem unnar hafa verið samhliða. Jarðarfaraskreytingar unnar í kol, þar sem lykilblóm mynda form sem getur haft ákveðna táknræna þýðingu. Orð sem geta þýtt ótal hluti, háð samhenginu, fylgja með. Opinberum portrettum merkisfólks úr íslensku þjóðlífi, sem prentuð eru á ljósritunarpappír, er umbreytt í dýr með kolum og krít. Einsskonar skurðaðgerð. Þessi aðgerð er framkvæmd af ást og virðingu fyrir mönnum og dýrum.

Guðlaug Gunnarsdóttir sótti sér grunnmenntun í myndlist í Danmörku. Svo nam hún framhaldsnám við listaháskólann ENSA Villa Arson í Nice í Frakklandi á árunum 2002-2007 þar sem hún lauk bæði BFA og MFA námi. Undanfarið hefur hún stundað framhaldsnám í safnafræði við Háskóla Íslands. Guðlaug hefur haldið einkasýningar bæði á Íslandi og í Frakklandi og tekið þátt í samsýningum meðal annars í Þýskalandi, Austurríki, Danmörku, Frakklandi, Korsíku og á Íslandi.

17. Júní er sjötta einkasýning Guðlaugar. Þeir miðlar sem Guðlaug hefur lagt áherslu á í list sinni eru málverkið, teikningar, innsetningar og síðustu árin hefur hún meðal annars unnið skuggateikningar á plexigler sem eru uppskera hennar eigin efnislegu rannsókna. Í verkum sínum leitast hún við að finna kjarna. Kjarna tilveru sem sameinar lifandi verur náttúrunni í hinu stóra samhengi hlutanna. Sakleysið, lífið, dauðinn, ljósið og myrkrið leika stór hlutverk í list Guðlaugar.

Viðburður á Facebook

//

Flowers play various parts in the society of men. Celebration, prestige, burials and messages. We offer them as presents, use them as decoration, get them as tattoos and hang them in wreaths on statues. Some only get flowers from their spouses when they have been wronged by them. As do people and animals have different lots in life.  Some are heads of state, top dogs and and VIPʼs while others are sturdy plow horses, servants, pets or loyal workers. Still, they all have eyes.

In this exhibition we are presented with two series of works that have been created in parallel with each other. Funeral decorations made with coal, utilizing only flowers essential to make a form that can have a symbolic meaning. Words that can have numerous significations depending on the context are written below.  Official portraits of various important personas from Icelandic society, printed on 80 gr xeroxpaper, are transformed into animals with coal and chalk. A surgery of a kind. This operation is conducted with equal love and respect for man and animals.

Guðlaug Gunnarsdóttir got her basic education in arts in Denmark. She studied at ENSA Villa Arson in Nice, France in 2002 – 2007 where she got her BFA and MFA. Most recently she has been following a graduate program in Museology in the University of Iceland. Guðlaug has done personal exhibitions both in Iceland and in France and participated in group shows in Germany, Austria, Denmark, France, Corsica and Iceland.

17. Júní is her sixth solo exhibition. The most prominent mediums in Guðlaugʼs art have been painting, drawings, installations and in the last years she has worked on shadow-drawings on plexiglass, a result of her own material research. In much of her work she is looking for an essence. An essence that unites living creatures in nature within the greater context of all being. Innocence, life, death, light and darkness are all major elements in the art of Guðlaug.

Facebook event

WP Facebook Auto Publish Powered By : XYZScripts.com