Gróska

Gróska: Jónsmessugleði – lokaskráningarfrestur til 6. júní

Jónsmessugleði Grósku verður haldin í tólfta sinn þann 24. júní 2021 með þemanu leiktjöld litanna. Jónsmessugleði er myndlistarsýning við Strandstíginn í Sjálandshverfi Garðabæjar sem Gróska, félag myndlistarmanna í Garðabæ, stendur fyrir og að venju bjóðum við gestalistamönnum að taka þátt. Allir sem hafa áhuga eru velkomnir þannig að endilega áframsendið þetta þátttökuboð til félagsmanna ykkar og myndlistarmanna sem þið þekkið.

Þátttökugjaldið er 3.500 kr. en innifalið í því er sérhannaður Jónsmessustrigi fyrir myndverk ásamt lokahófi eftir Jónsmessugleði þar sem sýnendum ásamt mökum er boðið upp á sælkerasúpu og aðrar ljúfar veitingar. Greiða þarf þátttökugjaldið inn á reikning Grósku 0546-26-010310, kt. 520510-0440 eða við afhendingu strigans.

Skráningarfrestur hefur verið framlengdur til og með 6. júní og skráning fer fram á meðfylgjandi slóð: https://forms.gle/vfrQEksb33eexCKcA

Munið að smella á senda eða subit. Þið fáið staðfestingu um að skráningu sé lokið.

Jónsmessustrigann má sækja í Gróskusalinn á 2. hæð við Garðatorg 1 samkvæmt samkomulagi.

Sérsakar aðstæður

Jónsmessugleði Grósku verður ekki aflýst en ef ekki verður hægt að halda hana með hefðbundnu sniði vegna fjöldatakmarkana kemur ýmislegt annað til greina. Sú hugmynd hefur meðal annars komið upp að láta sýninguna standa í vikutíma og viljum við kanna hvort þið mynduð vera tilbúin að taka þátt í slíkri sýningu.

Hvað er Jónsmessugleði Grósku?

Jónsmessugleði er myndlistarsýning við Strandstíginn í Sjálandshverfi Garðabæjar sem haldin er að kvöldi dags kl. 19:30-22.  Málverk á strigum eru strengd lárétt milli staura (landslagsformat sa. 94×127 sm). Sumir hafa verið með önnur myndverk og þá nýtt strigann sem bakgrunn. Aðrir hafa komið með skúlptúra og innsetningar enda hvetjum við til fjölbreytileika í listmiðlum. Mikilvægt er þó að hafa í huga að straurarnir og strigarnir mynda ramma um verkin og gefa sýningunni áferðarfallegt heildaryfirbragð.


Myndir frá síðustu Jónsmessugleði:

https://www.facebook.com/media/set/?vanity=groska210&set=a.2839217336143349

https://www.facebook.com/media/set/?vanity=groska210&set=a.2839249632806786

Á Jónsmessugleði Grósku er jafnframt boðið upp á dagskrá með listviðburðum og gleðinni lýkur með sameiginlegum gjörningi sýnenda. Þúsundir gesta hafa streymt á Jónsmessugleði Grósku á hverju ári og þetta er því kjörið tækifæri fyrir listamenn til að koma sköpun sinni á framfæri og kynnast öðrum listamönnum.

Sýnendur taka þátt í sameiginlegri undirbúningsvinnu og er skipt niður í framkvæmdanefndir þar sem hver nefnd hefur fyrirfam gefinn verkefnaramma.

WP2Social Auto Publish Powered By : XYZScripts.com