Gilfélagið.Deiglan

Gilfélagið: Gellur sem mála í bílskúr

Föstudaginn 2. október kl. 16 – 22
Laugardaginn 3. október kl. 14 – 17

Í hópnum eru níu listamenn sem hittast vikulega og mála saman í bílskúr. Átta kynntust í Listfræðslunni á Akureyri og stofnuðu klúbbinn Gellur sem mála í bílskúr í janúar 2016. Fyrir skömmu bættist nýr listamaður við þannig að nú eru tveir karlmenn í hópnum sem bera heiðurstitilinn að vera Gella.Markmið hópsins er að hittast og styðja hvert annað í listsköpuninni og hafa gaman.

Hópurinn velur sér sameiginlegt þema fyrir hverja sýningu en hver og einn vinnur svo á persónulegan hátt með ólíkri nálgun á viðfangsefnið og útkoman verður skemmtileg blanda. Heiti sýningarinnar er 50×60 en hópurinn setti sér það markmið að mála a.m.k eina mynd í þeirri stærð fyrir sýninguna.
Á sýningunni verða verk af ýmsum toga unninn í akríl, olíu og í vatnslitum í stærð 50×60 en einnig í öðrum stærðum.

Í hópnum eru Anna María, Barbara, Björgvin, Harpa, Jóhanna, Jón, Jónína, Kristín og Líney.

Facebook: www.facebook.com/gellursemmala
Instagram: @gellursemmala
Sýningin er unnin í samstarfi við Gilfélagið.

WP2Social Auto Publish Powered By : XYZScripts.com