Gerðuberg – Stund milli stríða – sýningaropnun lau. 24. jan. kl. 15

sos_tenerife2    sos_tenerife

 

Stund milli stríða

Málverkasýning Vilbergsdætra í Gerðubergi – Sýningaopnun laugardaginn 24. janúar kl. 15

 

Systurnar Sara og Svanhildur Vilbergsdætur eru listmálarar sem vinna verk sín algjörlega saman frá hugmynd að fullkláruðu verki. Sýning á nýjustu verkum þeirra undir yfirskriftinni Stund milli stríða opnar í Gerðubergi laugardaginn 24. janúar kl. 15. Sýningin   og stendur til loka marsmánaðar.

 

Sara og Svanhildur eru fæddar á Ísafirði 1956 og 1964 og útskrifaðar úr Myndlista- og handíðaskóla Íslands 1985 og 1994. Þær hafa lengi unnið að myndlist hvor í sínu lagi en á Menningarnótt 2010 hófu þær fyrir tilviljun sameiginlegt ferðalag um hvunndags- og ævintýralönd, með liti og striga í farteskinu. Á ferðalaginu sem enn stendur, og allsendis óvíst hvenær lýkur, hafa þær málað ötullega og haldið nokkrar málverkasýningar. Fyrsta sýning þeirra “Systrasögur” í Listasafni ASÍ árið 2012 fékk mikla athygli og metaðsókn.

 

Þrátt fyrir að vera systur eru þær Sara og Svanhildur töluvert ólíkar, en fyrir einhverja töfra eða galdur vinna þær saman sem ein manneskja þegar kemur að hugmyndavinnu, undirbúningi og framkvæmd sameiginlegra málverka sinna. Verk þeirra eru að stórum hluta til sjálfsmyndir sem sýna þær á raunsæjan hátt í hversdagslegum aðstæðum, en vísa um leið út og suður í ævintýraheima og listasöguna.

 

Á sýningunni í Gerðubergi takast þær á við sammannlegar hremmingar og stundir milli þeirra stríða. Umfjöllunarefnið í myndunum er reynsluheimur systranna sem á erindi við fleiri en þær sjálfar, þar sem þær skoða einnig táknmyndir úr listasögunni og dægurmenningu og setja í samhengi við daglegt amstur með tilheyrandi karnivali, tragedíum og sólböðum.

 

Heimasíða þeirra: www.duosisters.com

 

Athugið:

Systurnar verða við uppsetningu sýningarinnar í Gerðubergi miðvikudaginn 21. janúar.

 

sara&svanhildur

 

WP2Social Auto Publish Powered By : XYZScripts.com