VIKTOR (2) – Web

Gallery Stokkur – Viktor Pétur Hannesson opnar sýninguna “Umpottun” 16. nóvember

Viktor Pétur Hannesson heldur myndlistarsýningu í Gallery Stokk frá 16. nóvember til 24. nóvember 2019. Yfirskrift sýningarinnar er „Umpottun“

Viktor Pétur Hannesson hefur undanfarin þrjú sumur ferðast um Ísland í leit að jurtum sem hann nýtir í myndlistarverk. Hann vinnur með aðferð sem kallast grasagrafík, en aðferðin byggir á hefðum úr grafík og jurtalitun. Í byrjun sumars fjármagnaði Viktor kaup á húsbíl sem hefur nýst sem færanleg vinnustofa listamannsins. Við erum spennt að sýna afrakstur sumarsins og hvernig Viktor hefur unnið með þær jurtir og upplifanir sem hann hefur sankað að sér á ferð sinni um landið.

Viktor vinnur með umhverfið sem hann ferðast um í hverju sinni og nýtir grafíkaðferðina til að koma ferðalögum sínum til skila á myndrænan hátt. Frásögnin er þó ekki endilega í orðum og sögum heldur í litum og línum plantnanna sem hann finnur á vegi sínum. Þó kemur iðulega fram í titli eða verklýsingu hvar á landinu verkin voru gerð.

Viktor flutti nýverið á Stokkseyri og er sýningin í Gallerí Stokk í tilefni þess. Afraksturs sumarsins verður uppi á veggjum en þar á meðal verða verk sem ekki hafa verið sýnd áður.

Verið hjartanlega velkomin á opnun sýningarinnar með nýjum verkum eftir Viktor Pétur Hannesson, laugardaginn 16. nóvember kl. 15:00 – 18:00 í Stokk Art Gallery á Stokkseyri.

Hlökkum til að sjá ykkur!

WP2Social Auto Publish Powered By : XYZScripts.com