Samsett 3 Með Bili

GALLERÍ GRÓTTA: Sýning í Gallerí Gróttu – Jarðsögur

Jarðsögur

Sýning í Gallerí Gróttu Eiðistorgi 11, Seltjarnarnesi

21. janúar – 13. febrúar 2021

Fimmtudaginn 21. janúar kl. 14:00 verður opnuð sýningin Jarðsögur á verkum þeirra Auðar Vésteinsdóttur,  Elísabetar Haraldsdóttur og Sigríðar Ágústsdóttur í Gallerí Gróttu, Eiðistorgi 11, á Seltjarnarnesi.

Listakonurnar eiga það sameiginlegt að nýta sér miðla handverks og nytjalistar við sköpun einstakra listaverka með aðferðum leirlistar og listvefnaðar. Allar eiga þær að baki langan listferil og búa yfir áralangri reynslu og þekkingu á efniviðnum og möguleikum hans. Listakonurnar segja sögur með náttúrulegum efnivið eins og ull, hör, jarðleir og postulíni, sem hefur vísun í jörð, náttúru og landslag. Líkt og í náttúrunni geta óvæntir hlutir gerst í vinnuferlinu og útkoman er ekki alltaf fyrirséð. Fyrirbæri náttúrunnar samlagast efninu í myndvefnaði Auðar og leirverkum Elísabetar og Sigríðar þar til fullkomið samband næst milli hugar og handar.

Sýningin stendur til 13. febrúar 2021 og er opin alla virka daga 10-18:30, föstudaga 10-17 og laugardaga 11-14.

Nánari upplýsingar um sýninguna veita:

Aðalheiður Valgeirsdóttir sýningarstjóri, s. 6981184 ava@mmedia.is

Auður Vésteinsdóttir,  s. 847 0523, audurv@simnet.is

Elísabet Haraldsdóttir, s.8925290, elisabet.haraldsdottir@gmail.com

Sigríður Ágústsdóttir, s. 8958825, sigrag@simnet.is

WP2Social Auto Publish Powered By : XYZScripts.com