SGFSDFGDFG

Gallerí Göng – Jóhanna V Þórhallsdóttir

Ég hef augu mín til fjallanna

Myndlistarsýning Jóhönnu V Þórhallsdóttur

Gallerí Göng Háteigskirkja

Á laugardaginn næsta, 24. nóvember kl 16-18 opnar sýning Jóhönnu Þórhallsdóttur, í Gallerí Göngum í Háteigskirkju.  Um myndir Jóhönnu hefur dr. Ingrid Gardill listfræðingur frá Þýskalandi skrifað í bókinni International Kunst Heute frá 2018.

„Litlu máli skiptir fyrir íslensku listakonuna Jóhönnu V. Þórhallsdóttur, hvort hún málar mynd af manneskju eða landslagi. Hún er jafnvíg á hvoru tveggja  og markmiðið virðist vera að fanga hreyfingu og líf í málverkið. Þannig skarast þessi viðföng hennar. Í myndinni Bjart framundan  (sem Jóhanna sýnir í Gallerí Göngum,) er eins og módelið stigi út úr sjálfri náttúrunni eða af  engi.  Jóhanna fangar anda sumarsins í gulum líkama konunnar með rauðum titrandi útlínum. Axlir og höfuð hverfa inn í bakgrunninn og leysast upp og renna saman við umhverfið. Með sama léttleika túlkar hún vöxt og blóma jarðar á léreftið.

Í myndinni Óvissa á Öræfajökli (sem hún sýnir einnig í Göngum,) eru fíngerð vinnubrögð í forgrunni en áhorfandinn finnur fyrir óróleika undir yfirborðinu. Hvítur jökullinn rennur á mörgum stöðum saman við bláma himinins og á neðri hluta myndarinnar verður jökull og jörð eitt. Samspil litanna rís úr djúpum jarðar og gefur jöklinum torkennilega eiginleika. Hér sjáum við þann kraft og léttleika sem listakonan gæðir lífi og er svo einkennandi fyrir hana.“

Jóhanna lauk tveggja ára myndlistarnámi hjá Markúsi Lüpertz 2017 og hóf nám hjá Heribert Ottersbach í haust.  Einnig stundar hún nám hjá Stephen Lárus Stephen. Aðrir kennarar hennar hafa verið ma; Jón Axel Björnsson, Bjarni Sigurbjörnsson, Sara Vilbergsdóttir og Margrét Blöndal.

Þetta er 7. sýningin í Gallerí Göng/um og er hún opin út desember alla virka daga kl 10-16 og á sunnudögum kl 11-12, eða á messutímum.

WP Facebook Auto Publish Powered By : XYZScripts.com