SÍM

SÍM – Samband íslenskra myndlistarmanna auglýsir eftir umsóknum í Mugg – dvalarsjóð fyrir myndlistarmenn vegna verkefna sem hefjast á tímabilinu 1. september 2024 – 28. febrúar 2025.

Umsóknarfrestur er á miðnætti 22. ágúst.

Muggur er samstarfsverkefni SÍM, Myndstefs og Reykjavíkurborgar. Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis.

Veittir eru styrkir að upphæð 50.000,- kr fyrir vikudvöl erlendis.*

Veittir eru styrkir til dvalar erlendis vegna:
Myndlistarsýningar
Vinnustofudvalar / þátttöku í verkstæði
Annara myndlistarverkefna

*Einstaka sinnum eru veittir styrkir í fleiri vikur, en þó aldrei fleiri en 3 vikur í senn, eða að hámarki 150.000.- kr.

Sótt er um á umsóknareyðublaði á vefsíðu SÍM www.sim.is/muggur-umsokn

Umsóknum skal fylgja:
Ítarleg og greinargóð lýsing á verkefninu, upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni.
Staðfesting ábyrgðarmanns verkefnisins í því landi sem það fer fram í, þ.e. sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.

Þeir sem þegar hafa fengið úthlutað styrk úr dvalarsjóði Muggs annars vegar og ferðasjóði Muggs hins vegar þurfa að skila greinagerð áður en sótt er um aftur. Sjá nánar: https://www.sim.is/muggur

Mikilvægt er að hafa umsóknina vandaða, skýra og hnitmiðaða.

Úthlutunarnefnd fer yfir umsóknir að umsóknarfresti liðnum og verður öllum umsóknum svarað. Tilkynnt verður um úthlutun styrkja vegna 2. úthlutunar úr sjóðnum í síðasta lagi þann 31. ágúst 2024.

Nánari upplýsingar veitir á skrifstofa SÍM, sim@sim.is eða í síma 551 1346.