A38c64f3 3297 4dc6 Bc83 F98d14a2adf6

Fjölskyldustund í Gerðarsafni – Leirum okkur sjálf

Verið velkomin á fjölskyldustundina Leirum okkur sjálf laugardaginn 27. janúar kl. 13-15 í Gerðarsafni. Smiðjan er unnin út frá sýningunni Líkamleiki, sem fjallar um líkamann og líkamleika í samtímalist. Í smiðjunni munum við gera tilraunir með að leira okkur sjálf og sækjum innblástur í verk á sýningunni. Við prófum að leira með lokuð augun líkt og Haraldur Jónsson gerir í verkinu Blindnur og skoðum hvað gerist þegar maður nuddar leir eins og í vídeóverkinu Heilnudd eftir Unu Margréti Árnadóttur. Við skoðum líka verk Claire Paugam, þar sem hún gerir litla líkamshluta og kastar þeim í hraun í náttúrunni.

Smiðjan er liður í Fjölskyldustundum í Menningarhúsunum í Kópavogi þar sem er boðið upp á dagskrá fyrir fjölskyldur á hverjum laugardegi. Smiðjan er opin öllum og er þátttaka gestum að kostnaðarlausu.

WP2Social Auto Publish Powered By : XYZScripts.com