Cfc886e6 284b 4819 870b Cb9430eb9203

Fjölbreytt úrval námskeiða í Opna listaháskólanum

Opnað hefur verið fyrir umsóknir um námskeið á vorönn 2017. Boðið er upp á fjölbreytt námskeið í öllum deildum Listaháskóla Íslands. Í Opna listaháskólanum getur fagfólk nú sótt námskeið sem kennd eru í deildum. Námskeiðin eru á bakkalár og meistarastigi og er fagleg stjórnun þeirra í höndum deilda LHÍ. Þau er hægt að taka bæði með eða án eininga.

Opni listaháskólinn er gátt Listaháskólans út í samfélagið þar sem þekking og reynsla fær að streyma óhindrað í báðar áttir. Markmið hans er meðal annars að glæða áhuga almennings á listum og veita sem breiðustum hópi fólks aðgang að þeirri sérþekkingu og aðstöðu sem Listaháskóli Íslands býr yfir.
Með tilkomu Opna listaháskólans stóraukast einnig möguleikar starfandi listafólks og hönnuða til símenntunar, starfsþróunar og tenglsamyndunar. Áhersla verður lögð á að greina og bregðast við þörfum vettvangsins og eiga í virku samstarfi við fagfélög, fyrirtæki og stofnanir þar um.

Opni listaháskólinn fagnar fjölbreytileika mannlífsins og því verður kapp lagt á að tryggja aðgengi þeirra hópa sem hingað til hafa ekki átt greiðan aðgang að list- og menningarfræðslu, hvort sem er vegna búsetu, fötlunar, uppruna eða annarra þátta.

Yfirlit yfir öll námskeið eftir deildum.

WP2Social Auto Publish Powered By : XYZScripts.com