18 3339 Boðskort A5 V02

Eftir kúnstarinnar reglum – opnun sýningar í Arion banka

Eftir kúnstarinnar reglum

Laugardaginn 17. nóvember kl. 13.30 er þér boðið á fyrirlestur og opnun sýningarinnar Eftir kúnstarinnar reglum í höfuðstöðvum Arion banka, Borgartúni 19. 

Á sýningunni verður teflt saman verkum fimm listamanna sem fæddust í kringum aldamótin 1900 og teljast til svokallaðra naívista eða einfara í myndlist, og svo fjögurra listamanna sem fæddir eru á 8. og 9. áratug síðustu aldar. Þó efnistök og bakgrunnur sé ólíkur má sjá heilmikinn skyldleika í verkum listamannanna. Leikgleði er áberandi og nálgunin oft einlæg og blátt áfram.

Á sýningunni verður að finna valin verk eftir þau Eggert Magnússon (1915-2010), Ísleif Konráðsson (1889-1972), Ólöfu Grímeu Þorláksdóttur (Grímu, 1895-1988), Sigurlaugu Jónasdóttur (1913-2004) og Stefán V. Jónsson frá Möðrudal (Stórval, 1908-1994), sem eru öll í hópi þekktustu naívista Íslands, og ný og nýleg verk eftir Egil Sæbjörnsson (f. 1973), Helga Þórsson (f. 1975), Loja Höskuldsson (f. 1987) og Þorvald Jónsson (f. 1984) sem hafa allir vakið athygli fyrir verk sín undanfarin ár.

Sýningin verður opnuð með fyrirlestri Aldísar Arnardóttur listfræðings sem hún nefnir Sögumenn endurminninga og ævintýraheima.

Sýningin stendur til 15. febrúar 2019.

Laugardagur til lista.
Allir velkomnir.

WP2Social Auto Publish Powered By : XYZScripts.com