Dukkur NYTT2

Dúkkurnar frá Japan | Sýningaropnun í Menningarhúsi Gerðubergi

Borgarbókasafnið | Menningarhús Gerðubergi

Laugardaginn 25. febrúar kl. 14

Dúkkur hafa verið hluti af daglegu lífi í Japan frá örófi alda. Japanskar dúkkur endurspegla siði landsins og lífsviðhorf Japana. Gegnum aldirnar hafa dúkkurnar þróast í margvísleg form og eru ólíkar eftir því hvaða héruðum landsins þær tilheyra. Dúkkurnar sýna einnig vel hefðbundið japanskt handbragð, til dæmis í textíl. Sýningin Dúkkurnar frá Japan gefur því áhugaverða innsýn í hina margbreytilegu japönsku menningu.

Gamlar japanskar hefðir á borð við „stúlkuhátíðina“ (Hina Matsuri) hafa átt sinn þátt í þessari sérstöku dúkkumenningu. Hin víðtæka aðdáun á dúkkunum hefur orðið til þess að þær eru ekki einungis taldar barnaleikföng, heldur einnig listaverk til að sýna og dást að. Einnig hafa japönsku Noh og Kabuki leikhúshefðirnar fléttast inn í dúkkuhefðina, sem enn hefur aukið við fjölbreytileika í framsetningunni.

Jafnvel í tæknivæddum heimi nútímans notast dúkkulistamenn við aldagamlar aðferðir til að gera hefðbundnar japanskar dúkkur sem njóta mikilla vinsælda og sífelld endurnýjun á sér stað í hópi listamanna sem sérhæfa sig í gerð þeirra. Eitt einkenni á dúkkunum er rólyndislegt yfirbragð andlitsins. Annað mikilvægt einkenni á þeim er mikil litagleði sem kallast á við forna búningahefð Japana.

Sýningin Dúkkurnar frá Japan opnar á efri hæð Gerðubergs laugardaginn 25. febrúar. Á sýningunni verða sýndar um 70 dúkkur sem skiptast í afar fjölbreytilega flokka.

Nánari upplýsingar veitir:
Kristín Þóra Guðbjartsdóttir, verkefna- og sýningarstjóri
kristin.thora.gudbjartsdottir@reykjavik.is
411 6187 / 692 1733

WP2Social Auto Publish Powered By : XYZScripts.com