Draumland1

Draumland, lokahóf

Verið velkomin á lokahóf sýningarinnar Draumland, þann 27. ágúst kl. 17:00. Léttar veigar verða í boði og leiðsögn í gegnum sýninguna fyrir þá sem áhuga hafa. Athugið að sýningin verður einnig opin á sunnudaginn frá kl. 12:00 – 18:00.

Sýningin opnaði þann 20. júlí og er sú fyrsta í röð yfirlitssýninga á verkum Völundar Draumlands Björnsson sem gera munu skil á verkum hans og ævistarfi.

Völundur Draumland Björnsson var fæddur árið 1936 í Reykjavík. Hann var samferðarmaður Dags Sigurðarsonar, Jónas Svafárs, Elíasar Marar og fleirri listamanna sem áttu það sameiginlegt að lifa og starfa á skjön við ríkjandi samfélagshefðir. Völundur var virkur í sýningahaldi á yngri árum og sýndi þá oftar en ekki í slagtogi við Dag Sigurðarson. Með árunum dró hann sig til baka frá almennu sýningahaldi en hélt þó áfram að vinna að verkum sínum. Hann fékkst við tréristur, olíumálverk, vatnslitamyndir, ljósmyndun og þýðingar svo fátt eitt sé nefnt. Verk hans endurspegla sterka félagslega meðvitund um íslenskt samfélag í hnattrænu samhengi, eru oft á tíðum mjög pólitísk og bera sterk höfundaeinkenni.

Völundur Draumland Björnsson átti vinnustofu og heimili á jarðhæð að Bergstaðastræti 25B þar til hann kvaddi þennan jarðheim árið 2012, en í því húsnæði hefur gallerí Ekkisens nú verið rekið á annað ár. 

WP2Social Auto Publish Powered By : XYZScripts.com