C8ce4f58 F99e 44f4 9aa9 14a23da1a40d

Djúpþrýstingur – 40 ára afmælissýning Nýló opnar 7. júní

DJÚPÞRÝSTINGUR / PRESSURE OF THE DEEP
07.06. – 12.08.2018

Nýlistasafnið býður ykkur velkomin á opnun afmælissýningar Nýló, fimmtudaginn 7. júní kl. 18:00.

Nýlistasafnið (Nýló) var stofnað árið 1978 af hópi 27 listamanna og er í dag eitt elsta safn og sýningarrými í Evrópu sem rekið er af listamönnum. Í fjörutíu ára sögu Nýló hafa yfir 2.500 íslenskir og erlendir listamenn komið að sýningum og viðburðum í safninu.

Listamenn sem eiga verk á sýningunni eru:

Atli Heimir Sveinsson, Andreas Brunner, Auður Lóa Guðnadóttir & Starkaður Sigurðarson, Ásgerður Birna Björnsdóttir, Ásta Ólafsdóttir, Björk Guðnadóttir, Daniel Pflumm, Dieter Roth, Douwe Jan Bakker, Edilson, Eirún Sigurðardóttir, Erika MacPherson, Rachel Zolf, Geoffrey Hendricks, Guðrún Einarsdóttir, High Heel Sisters, Hörður Ágústsson, Jóhanna Kristín Yngvadóttir, Jón Gunnar Árnason, Juliane Foronda, Kristín Helga Ríkharðsdóttir, Níels Hafstein, Róska, Rúna Þorkelsdóttir, Saga Sigurðardóttir, Sigurður Guðmundsson, Sólveig Aðalsteinsdóttir Veigar Ölnir Gunnarsson

Sýningarstjórar eru stjórn og starfsfólk Nýlistasafnsins

Listaverkin sem voru valin á sýninguna gefa gestum mörg ólík sjónarhorn á atburði og hugleiðingar líðandi stundar í dag og fyrir ekki svo löngu síðan. Tengingar verkanna geta farið inn á hversdagsleg smáatriði, dægurmenningu, ferðamannaiðnaðinn og ástand heimsmála.

Verkin varpa fram viðvarandi aðstæðum eða andartökum sem líða hægt eða hratt. Sum verkin eru stækkunargler á meðan önnur eru stjörnukíkir. Þau eru gluggar andspænis gluggum, staðir til að hugleiða, augnablik til að varðveita eða sleppa lausum.

Á meðan sýningunni stendur verður fjölbreytt viðburðadagskrá sem nær yfir sumarið, þ. á m. listamannaspjall, kokteilstund, gjörningar og viðburðir.

Nýlistasafnið er orðið miðaldra, því ber að fagna!

Fyrir nánari upplýsingar um sýninguna er hægt að hafa samband við: 
Skrifstofu safnsins – 551-4350 og Þorgerði Ólafsdóttur safnstjóra – 6916552
WP2Social Auto Publish Powered By : XYZScripts.com