Dagskrá Safnanætur í Gerðarsafni

SAFNANÓTT Í GERÐARSAFNI
Stúdíósmiðjur – leiðsagnir um listaverkageymslu og Pop-up Eldhús

Gerðarsafn bíður upp á fjölbreytta dagskrá á Safnanótt, föstudaginn 6. febrúar kl. 19-24.  Boðið verður upp á vinnusmiðjur fyrir fjölskyldufólk í tengslum við fræðslu og upplifunarsýninguna Stúdíó Gerðar, leiðsagnir um listaverkageymslu Gerðarsafns og tilraunakennda vinnustofu fyrir ungt fólk sem Björk Viggósdóttir og Ragnheiður Harpa Leifsdóttir leiða. Einnig verður Pop-up Eldhús Gerðarsafns opið á Safnanótt og bíður upp á léttar veitingar og síðbúna hamingjustund á barnum. Sýningar og viðburðir standa gestum opnar þeim að kostnaðarlausu en nú standa yfir sýningarnar Stúdíó Gerðar og Andvari sem sýnir úrval verka Valgerðar Hafstað (1930-2011).

Dagskrá:

Kl. 19:00 – 23:30
Pop-up eldhús Gerðarsafns

Gerðarsafn opnar pop- up eldhús í safninu á Safnanótt og bíður upp á léttar veitingar.

Kl. 19:00 – 22:00
Stúdíó Gerðar – skapandi vinnusmiðjur

Guðrún Benónýsdóttir, myndlistarmaður og listgreinakennari leiðir sjálfstæðar vinnusmiðjur fyrir ólíka aldurshópa í tengslum við fræðslu- og upplifunarsýninguna Stúdíó Gerðar Helgadóttir.

Á fræðslu- og upplifunarsýningunni Stúdíó Gerðar er leitast eftir því að líta á bak við tjöldin og forvitnast um listsköpun Gerðar út frá vinnustofunni. Sett hefur verið upp tilraunavinnustofa sem tekur mið af vinnustofu Gerðar Helgadóttur ásamt fjölbreyttum skapandi verkefnum sem bíður gestum, ungum sem öldnum að taka virkan þátt í uppbyggingu sýningarinnar. Fjölskyldufólk er sérstaklega hvatt til að koma í heimsókn á eigin vegum og njóta skapandi samverustundar.

Kl. 19:00 – 00:00
Mysteríum – vörpunarstúdíó (vinnustofa fyrir 16+)

Björk Viggósdóttir myndlistarmaður og Ragnheiður Harpa Leifsdóttir sviðslistamaður leiða tilraunakennda vinnustofu fyrir ungt fólk (16+) þar sem unnið verður með ljós, speglanir, videovörpun og tónlist. Smiðjan hefst tímanlega kl. 19 en þátttakendur munu flytja afrakstur vinnunnar með lifandi viðburði fyrir áheyrendur kl. 22.

Takmarkaður fjöldi – skráning fer fram í netfang gerdarsafn@kopavogur.is
Viðburðurinn er unninn í samstarfi við Molann – ungmennahús.

Kl. 20 – 21:30
Leiðsögn í listaverkageymslu Gerðarsafns

Það er fátítt að gestum og gangandi sé hleypt í geymslur og bakland safnsins. Hér gefst einstakt tækifæri til að skyggnast á bak við tjöldin. Leiðsögn hefst á 30 mínútna fresti frá kl. 20:00, og komast tíu manns í hvern hóp. Skráning fer fram á staðnum.

Ókeypis safnanæturstrætó gengur á milli safnanna þetta kvöld.

Nánari upplýsingar: www.safnanott.is

WP2Social Auto Publish Powered By : XYZScripts.com