240719239 4422340274455960 6644129137695593965 N

BÍL: Listin að lifa — starfsumhverfi listamanna – málþing

Samkomubann vegna sóttvarna hefur haft alvarlegar afleiðingar fyrir listamenn og hefur svipt fjölda þeirra öllum möguleikum á að starfa og afla tekna.
Þetta algera hrun hefur afhjúpað hversu erfiðlega listamönnum gengur að nýta þau úrræði sem eiga að grípa fólk við slík áföll á vinnumarkaði. Ósveigjanlegar útlínur regluverksins ná illa utan um flókið og margbreytilegt starfsumhverfi listamanna og ólík ráðningarform.
Í kjölfar þessa ástands féll dómur í héraðsdómi Reykjavíkur í máli söngvara gegn Íslensku óperunni þann 18. janúar 2021 sem setur samningsstöðu listamanna í en frekari óvissu.
Á málþinginu veltum við fyrir okkur sérstöðu þessa starfsumhverfis og ástæðum þess að einyrkjar í listgreinum ná ekki þeim réttindum sem viðurkennd eru á vinnumarkaði.
Er eitthvað sem einkennir þennan hóp eða aðgreinir? Er regluverkið ósveigjanlegt? Þurfa listamenn ef til vill að taka rækilega til í sínum rekstri? Frummælendur leitast við að varpa ljósi á hvar vandinn liggur og vonandi í framhaldinu hvar lausnin leynist.Frummælendur á þinginu verða:Erling Jóhannesson, Forseti Bandalags íslenskra listamanna
Vistkerfið.Jakob Tryggvason, Formaður félags tæknifólks
Skýrari rammi = aukið frelsi.Helga Vala Helgadóttir, Formaður velferðarnefndar alþingis
Þegar tölvan segir nei.Gunnar Ingi Jóhannsson, Hæstaréttar lögmaður
Staða listamanna á vinnumarkaði. Eru störf þeirra “óhefðbundin”?

Fundarstjóri er, Steinunn Ólína Þorsteinsdóttir, leikkona og ritstjóri
Hver á að syngja í jarðarförinni þinni?

Sjá nánar – https://fb.me/e/1CzIvRsYa

WP2Social Auto Publish Powered By : XYZScripts.com