Behind the waterfall – David Barreiro

Ramskram er sjálfstætt starfandi sýningarrými tileinkað samtímaljósmyndun

28.01. – 05.03. 2017

Behind the waterfall

David Barreiro
Í Ramskram sýnir David Barreiro ljósmyndaverk sitt Behind the waterfall

Ljósmyndirnar í Behind the waterfall voru teknar á suðurströnd Íslands sumrin 2013 og 2014. Þar eru fjölmargar náttúruperlur sem laða að ferðamenn þannig að fjöldi hótela og gistihúsa er á svæðinu sem störfuðu nær eingöngu um sumarmánuðina og drógu því að mikinn fjölda árstíðabundinna starfsmanna, erlendra og innlendra. Verkið sýnir heim þessa viðvarandi samfélags á meðan mánuðir ofvirkrar starfsemi og staðbundins vinskapar líða, þar sem hið tímabundna verður varanlegt og opin frásögn þróast í kringum tálmyndir staðarins og hverfulleika íbúafjöldans.

David Barreiro (fæddur í bænum A Estrada í héraðinu Pontevedra árið 1982) er spænskur ljósmyndari sem er búsettur á Íslandi. Hann er með MA-gráðu í ljósmyndun frá EFTI-skólanum í Madrid ásamt því að hafa setið námskeið hjá Xavier Ribas og Juan Valbuena. Ljósmyndir hans hafa birst í ýmsum vefmiðlum, til dæmis Positive-magazine, Top Photography Films, Aintbad magazine og F-stop magazine. Hann komst í úrslit Open Call – PHOTOGRAPHY, alþjóðlegu ljósmyndahátíðarinnar í Róm á Ítalíu árið 2013, hann sigraði Open Call (Projections) flokk Encontros da Imagem árið 2014 og var valinn til að sýna á „Edita: sequencia / sentido“ sem Miguel Perez von Hafe stýrði fyrir CGAC árið 2015. Hann er einn af stofnendum Photobook club Vigo og Photobook club Reykjavík. Í október 2015 kom út bók hans, Behind the Waterfall, hjá spænska forlaginu Dispara Books. Hann er meðlimur í Sambandi íslenskra myndlistarmanna (SÍM), Félagi íslenskra samtímaljósmyndara (FÍSL) og Félagi filmuljósmyndara á Íslandi. Verk hans nálgast málefni samtímans í óbeinum tengslum við hans eigin ævi.

Ramskram gallery of contemporary photography Njálsgata 49 101 Reykjavík

 

 

WP2Social Auto Publish Powered By : XYZScripts.com