Barna- og fjölskylduleiðsögn: Guð, hvað mér líður illa. Laugardag 16. september kl. 13.00 í Hafnarhúsi

Börnum og fullorðnum gefst kostur á að fræðast um sýningu Ragnars Kjartanssonar Guð, hvað mér líður illa í Hafnarhúsinu. Sýningin er afar fjölbreytt og fróðleg þar sem listamaðurinn nýtir sér alla miðla samtímans, videó, ljósmyndir, málverk og skúlptúra auk þess sem nú stendur yfir lifandi gjörningur með þátttöku tíu trúbadora sem spila og syngja allan liðlangan daginn.

Sýningin á erindi við alla aldurshópa og sjón er sögu ríkari!

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.