Bæklingar – Opnunarpartí OPEN

Gulur lottóstandur fannst í annarlegu ástandi fyrir utan Kolaportið og var honum troðið inn í lítinn Suzuki jeppling. Nú hefur þessi standur fengið allsherjar yfirhalningu og nýtt hlutverk í lífinu. Lottóstandurinn er núna bæklingastandur og mun bráðum bera 20 nýja bæklinga eftir jafn marga listamenn.

Sýningin Bæklingar er samsýning 20 listamanna, íslenskra og erlendra. Listamennirnir fengu það verkefni að hanna bækling í hefðbundnu broti, A4-blað tvíbrotið, svokallað túristabrot. Sýningin er jafnframt sú fyrsta í nýja sýningarrýminu Open í gömlu skúrunum á Granda.

Á sýningunni býðst gestum að fletta bæklingunum og virða fyrir sér lottóstandinn.

Listamenn:
Amanda Riffo, Arnar Ásgeirsson, Ásgerður Birna Björnsdóttir, Búi Bjarmar Aðalsteinsson, Elvar Már Kjartansson, Fritz Hendrik, Guðrún Hrönn Ragnarsdóttir, Hanna Christel, Hildigunnur Birgisdóttir, Ingibjörg Sigurjónsdóttir, Ingrid Furre, Jan Voss, Juha Pekka Matias Laakkonen, Kolbrún Ýr Einarsdóttir, Kristinn E. Hrafnsson, Kristín Ómarsdóttir, Peter Liversdige, Steinunn Marta Önnudóttir, Una Margrét Árnadóttir og Örn Alexander Ámundason.

Á opnuninni verður hvorki meira né minna en lesið upp úr nokkrum bæklingum en útvaldir einstaklingar munu kynna sinn uppáhaldsbækling. Það gera: Logi Leó Gunnarsson, Sigurður Ámundason, Claudia Hausfeldt, Sigrún Inga Hrólfsdóttir, Markús Þór Andrésson og fleiri.