Auga1

Auga fyrir Auga í Mjólkurbúðinni -Sal Myndlistarfélagsins í Listagilinu á Akureyri opnar laugardaginn 25.maí kl.14

Laugardaginn 25.maí n.k. opnar sjónlistasýningin Auga fyrir Auga í Mjólkurbúðinni -Sal Myndlistarfélagsins í Listagilinu á Akureyri.

Listakonurnar Jonna og Karólína sýna þar ýmis verk sem unnin hafa verið á undanförnum mánuðum þar sem augað er viðfangsefni sýningarinnar og verða bæði málverk og þrívíð verk til sýnis.

Gestum gefst einnig kostur á að skyggnast inn í heim blindra og sjónskertra með gleraugum sérútbúnum til að túlka ýmsar sjónskerðingar og fá þannig tækifæri til að skoða sýninguna með öðrum augum.

Listakonurnar Karólína Baldvinsdóttir og Jonna/Jónborg Sigurðardóttir eru báðar blindar á öðru auga og er það innblástur sýningarinnar.

Sýningin verður opin kl 14-17 25.,26. og 30.maí og 1. og 2. júní

WP2Social Auto Publish Powered By : XYZScripts.com