Listasafnreykjavíkur

Ásmundarsafn lokað vegna breytinga

Ásmundarsafn verður lokað frá og með mánudeginum 5. október vegna breytinga. Til stendur að bæta aðstöðu gesta og sinna nauðsynlegu viðhaldi hússins. Stefnt er að því að opna safnið að nýju fljótlega árið 2021 með nýjum og spennandi sýningum og betra aðgengi fyrir alla. 

Garðurinn umhverfis Ásmundarsafn er öllum opinn en þar er að finna stækkanir og afsteypur af verkum Ásmundar, en hann kom mörgum þeirra þar fyrir sjálfur. 

Ásmundarsafn við Sigtún

Ásmundarsafn er helgað verkum myndhöggvarans Ásmundar Sveinssonar (1893-1982) og var safnið formlega opnað árið 1983. Safnið er til húsa í einstæðri byggingu sem var heimili og vinnustofa listamannsins. Í Ásmundarsafni eru ávallt sýningar á verkum Ásmundar en hann ánafnaði Reykjavíkurborg stóru safni listaverka sinna auk byggingarinnar eftir sinn dag. Þá eru reglulega haldnar sýningar á verkum annarra listamanna í safninu sem hafa gjarnan vísun í list Ásmundar.

Ásmundur var einn af frumkvöðlum höggmyndalistar hér á landi og hannaði bygginguna að mestu leyti sjálfur á árunum 1942-1959. Hann byggði meðal annars bogalaga byggingu aftan við húsið sem var bæði hugsuð sem vinnustofa og sýningarsalur. Mannfreð Vilhjálmsson arkitekt hannaði tengibygginguna sem tengir saman aðalhúsið og bogabygginguna. Formhugmyndir hússins eru sóttar til Miðjarðarhafsins, í kúluhús Miðausturlanda og píramída Egyptalands.

WP2Social Auto Publish Powered By : XYZScripts.com